先知何西阿kā上帝kah以色列人民ê关系，是以「夫妻」来譬喻，因为án-ne先知何西阿呼吁当时ê以色列人民，tī信仰上一定tio̍h ná亲像「夫妻」之间ê关系一般ê忠实，bē-tàng有心怀二意ê信仰态度。一定会「绝对忠实」（指「认真」ê意思），chit点是读先知何西阿ê chit本经册应该有ê认bat。伊mā进一步kā以色列人民讲，一定tio̍h是ta̍k工、每ê时每刻对上帝有坚定不移ê疼，就亲像上帝tùi bē改变、减少对in ê疼仝款。却m̄是tī节期到à ê时chūn，chiah想tio̍h ài怎样疼上帝。上帝ài先知何西阿对以色列人民所讲ê：「我要求ê是坚定ê疼，m̄是牲祭；我ài我ê子民认bat我，无ài烧化祭。」这真清楚teh说明上帝欢喜人kā信仰落实在每工ê生活kah工作中，却m̄是tī节期中各式各种ê庆典礼仪。

第1到2节，是继续前一段经文所提起ê，上帝tiāⁿ-tiāⁿ苦劝以色列人民悔改「归向」他，m̄-koh以色列人民kah-ná对上帝ê呼声听不入去，总是想出所有ê办法beh弃sak上帝ê旨意。Chia提起「复兴」、「医」，chit两个名词是仝款ê意思，指ê就是「拯救」。这表示上帝想beh「拯救」以色列免tī灭亡，m̄-koh结果所看ê却lóng是「欺骗，偷the̍h，tī街路phah劫」。M̄-koh上帝lóng kā chiah-ê记录落来来à。 

第3节，讲出当时北国以色列真正ê问题所在—欺骗。上到国王，下到一般人民，大家lóng欢喜欺骗。表示当时犹大国内已经是一个充满tio̍h欺骗ê环境，无诚实thang讲ê社会。欺骗，mā teh代表人民ê心中已经无上帝ê信仰。

第4到6节，先知何西阿用烘面包ê灶脚实景来譬喻宫廷斗争ê景况；tī第4节提起「叛逆」者ná亲像「teh等待面团发起来」ê面包师仝款，随时准备ài kā面团送入去火炉里去烘仝款。Á人民会利用「国王有喜庆」ê时，就用「烈酒灌醉了国王kah官长」，甚至是「百般愚弄in」，hō͘ in轻松落来了警觉心，thang hō͘政变一出手就成功而夺取到政权。Chit种篡夺王位ê背景thang参考列王记上第十六章8到10节，记载以色列王以giú因为lim醉酒被心利刣死，而且王位mā被夺取。

第7节，是非常关键ê一节经文，讲出北国以色列灭亡ê原因，就是一再发生杀害君王篡夺王位ê事，大家想ê lóng是权柄，却无想tio̍h向上帝「求助」chiah是正途，认为只要有权柄就ē-tàng解决国家ê危机。

其实，自从耶罗波安二世死后，北国以色列tī短短二十年中就换了六位国王，其中有四位m̄-nā遇tio̍h谋杀，王位mā被篡夺。

第8到9节，所讲ê「以色列人明明是亲像半生不熟ê面包」，意思就是两面lóng m̄讨好；既得罪上帝，koh落得hō͘邻国亚述有机会，hō͘家己陷入了「死期」lóng iáu m̄知，án-ne chiah是真正悲哀。

这「半生不熟ê面包」，是teh指kā面包khǹg tī石头壳顶烘（参考列王记上十九：6），á是kā面包khǹg tī炉灶上烘，m̄-koh却无kā它翻面，致使后来面包顶面iáu未熟，下脚已经烘焦。譬喻考虑无够周延，á是政策ê决定太粗糙ê意思。

第10节，是kui章经文ê中心，讲tio̍h以色列人民真正ê问题，就是傲慢，m̄知「归向」上帝。Chia ê「归向」，意思是teh指悔改，tńg来到上帝ê旨意kah教示里。

第11节，「以色列人像一只无知ê粉鸟」，chia所讲ê「无知」，指ê是「无心」ê意思。「心」，chit-ê字tī希伯来文是teh指人ê意志，这意志是表现在理智ê层面。当先知何西阿形容以色列人民像「无知」ê粉鸟ê时，就是讲in根本就无认真思考，决定óa靠「埃及」，然后koh去chhōe「亚述」帮助ê时，上帝会怎样看待in？换句话讲，以色列ê众领袖已经失去领导者应该有ê智慧。结果像一只「无知ê粉鸟」，m̄是chhōe bē-tio̍h家己ê窝、被掠，就是四界飞，飞到精疲力尽了后，就跌落死去。

第12节，先知何西阿提醒以色列人民，上帝bē默视chit种行踏，因为上帝ê选民无以上帝诫命为重，虽然in thang tùi亚述得tio̍h帮助，m̄-koh上帝却beh hō͘ chiah-ê看起来kah-ná真有成就ê国际外交手腕kah成就化做乌有。

第13节，先知何西阿用几个连串做伙ê词字，tùi「弃sak」→「毁灭」→「背叛」→「讲白贼」。Chiah-ê词字lóng是环环相扣ê；弃sak上帝，等于是毁灭家己ê性命仝款；背叛上帝，等于自chhōe死路。Á siōng典型ê犯罪行为就是讲白贼，因为chit种人，心中无上帝。所代表ê意义就是kah弃sak了上帝仝款。Ài beh特别注意ê是「讲白贼」chit-ê词，iáu有另外一个意思，是teh指「拜别ê上帝」。Mā就是对上帝无忠实ê心。

第14节，thang看tio̍h先知何西阿指出，以色列人民确实是拜偶像拜得真厉害。以色列人民用异教拜偶像神明ê方式，来向上帝祈求赏赐粮食，这是真荒谬ê行为，表示信仰已经偏离了原本应该有ê纯真。

第15到16节，非常清楚koh一pái强调，上帝chiah是真正「养育」以色列性命ê神，因为是上帝tùi埃及kā in祖先带领出来，koh Tī旷野中养饲in，并且带领in进入迦南应允之地，hō͘ in tī大卫王朝时代成做「强壮」ê民族、国家。M̄-koh现在in却bē记得一切，跟tòe迦南人去拜「hiah-ê无能 ê神明」，chiah-ê神明ná亲像「扭歪了弓仝款」，根本就无法度用。结果带领人民弃sak上帝ê「首领会横尸战场」，原因只有一点：m̄承认上帝是in性命ê主宰，这kan-taⁿ会为in换来埃及人ê耻笑而已。因为上帝用大能ê手kā in ê祖先tùi埃及带领出来，taⁿ in却tńg来去chhōe埃及帮助，这真正是可笑至极。