何西阿书 6章1节 到 6章11节   背景资料  上一笔  下一笔
先知文献ê一个特色,就是有谴责,m̄-koh mā有鼓励,呼吁人民回归到上帝面前,上帝会珍惜kah他订立永远之约ê子民,因为他是疼ê上帝,bē轻易受气,mā bē永久受气,koh khah重要ê,上帝「常改变心意不惩罚人」(参考诗篇一○三:8—9,约拿书四:2,弥迦书七:18—19)。这mā是先知何西阿所beh传达ê中心信息。

Tī第五章15节讲上帝beh「弃sak」以色列人民,「直到in知罪tńg来」chhōe他为止,主要目的是beh hō͘ in「tī苦难中,in会迫切地走chhōe上帝」,chit种情形就ná同以前in祖先tī埃及受苦ê情形仝款,tī无法度忍受奴役生活ê苦难ê时,in就会发生哀声走chhōe上帝ê怜悯kah帮助(参考出埃及记二:23—24)。Án-ne讲起来,上帝并m̄是真正hiat-ka̍k in,mā m̄是m̄-chhap in,却是用chit种方式teh等待kah期待in悔改来归向上帝。可能是先知何西阿传出chit-ê信息后,tī以色列人民中间有反应pah,因为án-ne,先知何西阿赶紧呼吁in tio̍h「归向」上帝。

第1节,起头ê第一句是「来ah」,这是呼吁,而且是大声hoah ê声音,这显然是来自先知何西阿ê呼叫声。伊可能是行上街头teh呼叫,tio̍h以色列人民认真听,mā tio̍h确实地悔改「归向」上帝,这「归向」一词是teh指「悔改」、「重归和好」ê意思。原本是离开、分裂ê,现在回转过来,表示认错,愿意重新开始ê意思。续落来引用申命记第三十二章39节ê诗歌,说明过去「拆裂」ê伤痕,上帝会「医」mā会「包扎」。

第2节,「过两三工」,意思是teh指「极短ê时间内」ê意思。先知何西阿传出上帝ê信息讲,只要以色列人民真正悔改,上帝ê拯救kah赦免真紧to̍h会临到。

第3节,ē-sái讲是chit本先知书ê主题之一—认bat上帝。先知何西阿用「尽力追求认bat上主」,是teh指tio̍h明白性命ê主到底是甚么人。当以色列人民真确认bat上帝后,就会明白为甚么会有「曙光」温暖tio̍h大地,为甚么会有「春雨滋润大地」ê原因。

第4到6节,kui本何西阿书ê中心信息就tī chit短短三节经文中。先知何西阿一再呼吁以色列人民tio̍h悔改,而且一定tio̍h tùi真实ê心内开始,m̄是只有tī外面表ê行动。因为上帝看ê是人ê心内,知影in是m̄是真实á是虚假。Chia上帝特别指出以色列人民对上帝ê疼是目nih-á ê,ná亲像「早起ê雾,一目nih久就消了」。Chit句话一定tio̍h kah第6节ê献烧化祭同齐联想来看;当teh献祭ê时chūn,hiah-ê烟冉冉升高,闻起来真香,火烧ê火焰看起来真壮观,m̄-koh一下á就无à。因为án-ne,上帝透过先知何西阿对以色列人民提出上帝所要求ê,并m̄是人所献ê牲祭,却是「疼」kah「认bat」上帝。爱,是teh指kā上帝ê「疼」呈现出来,是tī社会生活上有公义、对贫困ê人有疼心。认bat,是teh指kah立约有关,mā就是对上帝beh忠心,不含糊、不欺骗。

第7节,「tī亚当背判我」,这「亚当」是teh指靠近约旦河kah雅博河会合处ê一个村镇,离耶利哥城南方大约有二十公里远(参考约书亚记三:16),这意思是teh指in tī各地lóng有犯罪ê记录,即使是tī偏远ê小村镇mā是仝款。M̄-koh有kóa版本kā chit句翻译做「如亚当背约」,mā thang án-ne了解:以色列人民「如亚当」仝款,无遵守上帝命令,食了hit丛禁止食ê果子树ê果子,而受tio̍h上帝严厉ê惩罚(参考创世记三:17—19)。

第8节,提起以色列人民tī「基列」城犯罪,m̄-koh并无说明是甚么罪行。Mā可能kah士师记第十二章1到7节有关基列人大屠杀以法莲人ê事件有关;tī hit-pái事件中,总共「有四万两千人被刣」,he是tī耶弗伊做以色列士师ê时代发生ê事。M̄-koh mā有另外一个可能,就是根据列王记下第十五章25节ê记载,是发生tī主前740年ê时chūn,hit时因为以色列ê王比加辖有一位将领利玛利,伊ê kiáⁿ「比加,带tùi基列来五十人造反,tī撒马利亚王宫内院刺刣比加辖,篡了伊ê王位。」

第9节,则koh一pái提起祭司ê问题。第一pái是tī第四章7节提起祭司对上帝不忠,先知何西阿讲祭司是「人数jú chē就jú大胆得罪上帝」。Tī chia特别清楚指出chiah-ê祭司kah强盗仝款,「成群埋伏,结伙phah劫」,甚至iáu会「谋财害命」,这实在是真恐怖ê事。

第10到11节,lóng提到à整体以色列民族ê共通问题,就是玷污了家己kah神圣上帝ê约,去拜偶像神明。这mā是先知何西阿tī本经册中一再提起以色列民族共同ê罪,就是弃sak上帝,去拜巴力。虽然先知何西阿是针对北国以色列人民传上帝ê话kah信息,却mā提起犹大有仝款ê问题。因为án-ne,上帝m̄-nā beh惩罚北国以色列人民,mā准备ài惩罚南国ê犹大以色列人民。

重新查询 专卷研经 何西阿书系列
错误回报,请联系comm[@]fhl.net