何西阿书 14章1节 到 14章9节   背景资料  上一笔
Kui本圣经有一个明显ê方向:上帝所期待ê,是他ê子民会悔改归向他。所谓「归向他」,意思是teh指以诚实之心遵行他ê旨意。上帝siōng无欢喜ê事,就是以虚假ê外表,掩盖(khàm)弃sak他旨意,去拜偶像ê行为。Chit种掩盖(khàm)ê外表,包括真chē宗教礼仪,亲像献祭(参考阿摩司书五:21—23,弥迦书六:6—7)、禁食(参考以赛亚书五十八:3—5)等,chiah-ê m̄-nā无消除上帝ê愤怒,颠倒ê,却是令上帝siōng受气ê事,因为宗教礼仪原本是beh表明对上帝ê忠心、感恩,m̄-koh taⁿ抱tio̍h掩盖(khàm)虚假ê心,等于teh否认上帝明鉴ê能力仝款,认为上帝只看外表,m̄知人心内ê意念。Koh讲,做一个人想beh用外表ê宗教礼仪来掩盖(khàm)心内ê虚假ê时,往往是因为犯下恶质ê行踏,若无,就m̄免用chiah-ê虚假ê宗教礼仪来掩盖(参考阿摩司书五:10—15、24,弥迦书六:8)。这就是先知何西阿所传达出来上帝ê话讲:「因为我ài 怜悯,无ài 祭祀;ài 人认bat 上帝,赢过烧祭。(全民版)」(何西阿书六:6)

现在所读ê何西阿书最后一章,ē-sái讲是一篇以「忏悔诗歌」为主轴编辑而成ê经文。Chit种「忏悔诗歌」ê特色,就是呼吁人民悔改认罪,上帝有「疼痛ê疼」会回应。Tùi chit章经文mā thang看tio̍h先知何西阿对以色列人民ê期待,伊tī kā伊讲ê同胞,上帝ná亲像一位有坚定之爱ê丈夫,一直teh期待背逆ê bó͘ tńg去厝里团聚。他会赦免伊ê罪,赦免伊所有ê罪过。上帝bē去追究他ê子民过去所犯ê罪,只要in悔改归向他。

第1到2节,tī何西阿书中「归向」、「tńg来到」,chit两种词字一再提起,亲像第二章7节、第三章5节、第六章1节、第七章10节、第十二章6节等等,它m̄-nā是何西阿书ê中心信息,koh khah是先知文献ê中心题旨。它表明ê意思是:诚心实意ê悔改。是彻底ê醒悟,知影家己所犯ê过错,而且bē因为惊惶惩罚,就以真chē藉口来合理化家己犯罪ê无奈。真正悔改ê人,知影家己所做恶质ê事是错ê,会心甘情愿地接受应得ê审判。

注意第2节ê「祈祷」、「祈祷」。做一个人teh表明心中有上帝ê时,伊就会祈祷,因为祈祷(á是祈祷)是teh表明家己ê软弱、有限,需要上帝ê扶持kah祝福。拒绝祈祷,á是藐视祈祷ê人,lóng teh表明hit人ê心中已经无上帝。
除了ài有虔诚ê态度外,先知何西阿tī chia提起tio̍h以色列同胞向上帝祈祷ê主要内容是:祈求上帝垂听,并且ē-tàng赦免in一切ê罪过。这ē-sái讲是祈祷主要ê内容之一。

第3节a句,in beh向上帝祈求赦免ê事,就是坦白承认犯罪ê内容—向亚述求救,向埃及求援(参考七:11、十二:1b),mā向偶像祭拜。Tī希伯来文,chit节是连续用了三个「不」字,表示in过去所犯ê,是一而koh再、koh再而三,chiah会引起上帝极大ê受气。先知阿摩司bat用过chit种语句,形容为甚么上帝会对一kóa国家、民族采取惩罚ê行动,就是因为hiah-ê国家kah人民是一而再、再而三犯罪(参考阿摩司书一:3、6、9、11、13、二:1、4、6)。

第3节b句,「阮知影,你向孤儿施仁慈」,thang看出先知何西阿带领以色列人民用「孤儿」来表示家己ê软弱kah无助,向上帝祈求怜悯kah恩典。这是真重要ê观念,因为Tī圣经中一再提起上帝对孤苦无助ê人非常关心、致意,他一定会照顾chiah-ê被疏忽ê对象。

另外一方面,tùi chit句子mā thang看出以色列人民已经行到走投无路了,发现除了上帝,已经无任何力量thang帮助in。Chit时in chiah知影上帝是唯一thang óa靠ê气力。因为án-ne,in祈求上帝以「仁慈」对待in。因为in孤独无助,ná亲像孤儿无人照顾一般。

第4节,chia讲上帝beh「医」以色列人民ê「创伤」。「医」,这是teh指「复合」ê意思。原本以色列人民因为弃sak上帝ê旨意,致使上帝kah以色列人民之间有极大ê鸿沟。Á「创伤」是tùi上帝来ê惩罚,是严厉ê惩罚。现在上帝讲beh「医」chiah-ê惩罚所带来ê「伤」,意思就是teh指上帝beh拯救in,并且kah in重新建立和好ê关系。上帝医ê方式:一是「专心一意爱in」,意思是teh指kā以色列人民当做家己亲生ê kiáⁿ看待。;二是「无koh向in受气」,tī第十一章3到4节先知何西阿bat提过上帝beh用「双臂kā in抱tī怀中」,用「慈绳爱索牵引in」。上帝beh「抱」起以色列人民「像抱婴á óa贴tī面颊上」,m̄-nā án-ne,iáu koh khah亲自「俯下身子,养饲in」。这hō͘咱看tio̍h ná亲像父子般bē-tàng分ê关系,就是无koh有受气出现。

第5到6节,chia是以田园ê景象来描述上帝怎样恩待以色列人民,讲出有上帝ê疼滋润tio̍h以色列人民ê性命,就ná同在野地ê百合花仝款,有甘露无停滴落tī它顶面,hō͘伊开出美丽洁白ê花朵。

第7节,chia用「黎巴嫩ê香柏树」来形容上帝恩待以色列人民,会hō͘ in成长kah ná亲像香柏树仝款高壮。香柏树是当时siōng珍贵ê建筑材料。圣经mā用「香柏树」teh代表「力量」真大(参考诗篇三十七:35),á是华贵、美丽(参考列王记上七:2—7)。讲出有上帝ê眷顾、保护,性命就ē-tàng得tio̍h滋养,生长茂盛,ná亲像花木繁茂仝款,mā像「chē产ê葡萄园」会结出真chē果子。

第8节,所谓「绝缘」就是断绝了关系,无koh互相来往。当in kah「偶像绝缘」ê时,chiah ē-tàng kah上帝有相通ê管道。Chit时上帝beh「垂听in ê祈祷」。上帝bē听弃sak者ê祈祷,上帝mā bē听m̄信者ê祈祷,上帝koh khah「m̄听罪人ê祈求;伊只垂听ná敬拜伊、并实行他旨意ê人」ê祈祷(参考约翰福音九:31)。Tī chia,先知何西阿讲上帝beh垂听以色列人民ê祈祷,这表示in已经承认家己ê罪,悔改归向上帝。

第9节,chit节ē-sái讲是chit本何西阿书ê附录。Mā ē-sái讲是chit本经册ê一个总摘要结论。内容kah形式真亲像智慧文学ê表达方式,ná亲像箴言ê句型。「义人」kah「罪人」是相对ê存在。对上帝ê旨意mā是采取相对ê态度。

Chit节ê中心思想tī「上主ê道路是正直ê」chit句话。就是beh劝导以色列人民遵行上帝ê道路去行。作者主要目的是提醒南国犹大ê以色列人民,希望in ē-tàng明白北国以色列会án-ne灭亡,就是因为弃sak上帝ê旨意。希望南国犹大ê以色列人民ē-tàng tùi北国灭亡ê事件得tio̍h教示,就是聪明koh有智慧ê人,知影怎样tùi别人ê失败得tio̍h经验。

重新查询 专卷研经 何西阿书系列
错误回报,请联系comm[@]fhl.net