何西阿书 10章1节 到 10章15节   背景资料  上一笔  下一笔
会án-ne引诱以色列人民去kah迦南人拜巴力ê原因,当以色列人民tú开始拜巴力偶像神明ê时chūn,土地果真正得tio̍h真chē产物,增产ê情形比in以前ê收成lóng tio̍h chē,mā因为án-ne,in真紧to̍h认同了巴力神明就是增产ê神。当增产ê消息一传开,各地纷纷起祭坛,就是为tio̍h beh koh khah chē ê收成;收成chē,就是财产增加;就tī thang帮助增加生产ê诱因下,以色列人民纷纷bē记得上帝透过摩西对in ê吩咐,mā bē记得上帝忠实仆人ê叮咛、教导,拜巴力偶像ê事件就日趋严重,最后竟然弃sak了上帝,去拜巴力神明作为in ê神(参考十三:6)。

财富确实是对人心siōng大ê诱惑。耶稣基督就bat教导跟tòe伊ê人,一定tio̍h tī上帝kah钱财之间做一明确ê选择,无可能两个lóng tio̍h(参考马太福音六:24)。使徒保罗tī hō͘提摩太ê书信中,就特别kā伊讲bē-tàng贪慕钱财,因he是诱惑人犯罪ê主要根源(参考提摩太前书六:10)。

如果细腻地去思考为甚么上帝beh设立安息日?而且严格规定安息日一定tio̍h连带地包括牛羊cheng-seⁿ等所有一切lóng跟tòe人安息?主要原因就是希望人会记得:m̄-thang kā生产、增加财富当做性命ê主要ê目标,tio̍h会记得上帝chiah是性命ê主。因为一切万物lóng是tùi上帝来ê创造。无上帝,即使拥有一切,最后mā kā失去一切,koh khah严重iáu会丧失性命。

第1到2节,「以色列人像chē产ê葡萄树」,这是因为上帝照顾、栽培、灌ak、祝福ê结果chiah有ê款。诗篇ê诗人án-ne描写:「祢tùi 埃及徙出一丛葡萄树,赶出列邦来kā 它栽种。祢tī 它ê 头前piàⁿ 空土地,它ê 根钉深,就生湠满地。(全民版)」(诗篇八十:8—9)先知以西结描讲述:以色列人民ê祖先ná亲像「一丛种tī溪水边ê葡萄树,因为水源充足,枝叶茂盛,果子累累」(参考以西结书十九:10)。Ē-sái讲是当in收入jú丰富ê时,就「心怀诡诈」意思是teh指in一面敬拜上帝,另外一方面却去拜巴力神明。而且所雕刻ê石柱偶像mā jú华丽。表明ê是弃sak上帝ê道路jú远。M̄-koh上帝却beh出手「摧毁in所拜ê石柱」,以及in拜偶像神明用ê「祭坛」。

第3到4节,是kui个北国以色列问题ê中心。Chit两节提起国家ná亲像无君王teh管理仝款。原因是无人想beh「敬畏上主」,表示心中根本to̍h无上帝。因为án-ne,讲话无算数,社会无公义thang讲,「不义」ê行为处处可见。Chia提起「正义已经沦为不义」,chit句话已经讲出司法审判会失去准则。先知阿摩司就清楚指出主前第八世纪耶罗波安二世ê时代,法官会收受o͘-se,结果sàn-chhiah人受tio̍h欺压,好人受tio̍h压迫,莫怪无人敢讲诚实ê话(参考阿摩司书五:10—13)。Tī先知ê信息中,包括先知阿摩司、弥迦,以及何西阿lóng有一个共同ê观点:上帝是一个公义ê上帝。因为án-ne,如果法庭无公义,就表示chit-ê社会已经会失去敬畏上帝ê心,人才敢做出违背公义ê事。

第5到8节,「金牛失掉光彩」,指ê是tī chiah-ê金牛头壳顶戴tio̍h装饰teh象徵荣耀光彩ê叶á,lóng是用纯金子打造ê。M̄-koh chiah-ê全lóng变成亚述王ê战利品,金牛并bē-tàng保护以色列人民免tī战祸,mā无法度tī战争中得胜,iáu因战败连金牛mā被亚述没收带去。Chia提起「亚文小山顶ê祭坛」,这「亚文」是teh指邪恶á是偶像ê意思,tī chia是teh指「伯特利」,是耶罗波安铸造金牛khǹg tī chia,供以色列人民当做神明崇拜。

「beh向大山讲:『遮盖阮!』对小山讲:『倒tī阮身上!』」这是一句绝望ê诗歌,teh说明当审判来到ê时,hiah-ê逃避灾难ê人,上到王亲国戚、达官显要lóng躲tī洞穴中,因为深惊无法度忍受凌辱、刑罚,in宁可躲进洞穴中,然后期待tio̍h大山小山lóng会像被大地动扰动仝款赶紧崩塌落来,thang hō͘ in ná亲像被埋葬tī无人知影ê所在,án-ne mā thang避免被侮辱ê难堪kah痛苦。Chit句话mā thang参考以赛亚书第二章10节。

第9到10节,「基比亚」,chit-ê地点koh一pái被提起,顶pái是tī第九章9节先知何西阿bat指出上帝对以色列人民犯类似tī基比亚ê罪,一定会严厉惩罚in。现在koh一pái提起,主要是基比亚ê事件确实是一件惨不忍睹ê悲剧,he是一阵人kā一位利未人ê细姨轮暴致死方休,mā因为chit件事,引起以色列十一个支派联盟攻打便雅悯支派ê人,差不多消灭了in(参考士师记第十九到廿一章)。

Koh讲,基比亚mā是以色列人民第一个国王扫罗ê家乡(参考撒母耳记上十:26、十一:4)。扫罗被先知撒母耳膏立为国王,以后却变成拒绝上帝旨意ê国王而被罢黜(撒母耳记上十五:26)。Án-ne,基比亚chit-ê地点至少说明了两件历史背景:以色列人民m̄-nā tī淫乱ê事件上有份,mā teh残害人ê性命上手段残忍,而且一再违背上帝ê旨意。先知何西阿用基比亚chit-ê地点来譬喻现在北国以色列ná亲像早年祖先tī基比亚犯罪ê情形一般,做上帝所讨厌ê事,因为án-ne,上帝kā用「列国」联合起来「围攻」in作为「惩罚」in ê种种罪行,直到in chhun落来ê人民悔改为止。

第11节,讲以色列民族本来真亲像「一头驯服ê母牛」,这是teh指受过训练,会听主人指示耕田耙地而且是有生殖能力ê母牛。所谓「踹谷」,照摩西律法规定,牛tī耕田ê时chūn,是thang一面踹谷一面食草ê(参考申命记廿五:4),踹谷是非常轻省ê工作。先知何西阿用chit种方式teh譬喻上帝是án-ne疼惜以色列人民,hō͘ in像一只做siōng轻松工作ê牛,thang一面踏粟á一面lim食,结果是生做koh肥koh壮。Ē-sái讲是,in并无珍惜上帝kā in赐福chit种恩典,反tńg轻视了这美好ê恩典。因为án-ne,上帝就ná同田园ê主人,kā ná粗糙koh笨重ê枷担加tī chit只肥壮ê母牛颈项上。特别tio̍h注意ê是,chit节mā同时提起南国犹大。换句话讲,先知何西阿ê信息并m̄-nā是hō͘北国以色列人民听ê,mā是希望南国犹大人民mā会注意听,上帝对北国人民怎样,mā会仝款对待南国犹大ê人民。Á chia提起加上沈重ê枷担,工作mā加重—耕田kah耙地。

第12节,真重要ê一节,chit节讲上帝希望以色列人民知影一定tio̍h「掖种正义」,因为án-ne chiah ē-tàng期待「收割仁爱」ê果子。先知何西阿用农家siōng通常、而且非常熟悉ê工作经验,掖种kah收割做教材,kā以色列人民讲,只有kā上帝ê公义呈现出来,chiah ē-tàng期待上帝ê疼回应到in身起来。正义,指ê就是上帝ê形像,mā是上帝ê疼。伊koh一pái呼吁以色列人民「归向」上帝,悔改tńg来到上帝ê面前。上帝ê疼会像雨hit种ê充沛地降tī以色列人民身上。

第13到15节,讲出以色列人民ê问题所在,in根本就听bē落去chit种劝勉,mā无kā上帝khǹg tī眼中,in无koh óa靠上帝,却是认为军队kah武力siōng实在,thang保护in性命ê安全,m̄-koh先知何西阿指出军事武力chiah是chhōa in行向灭亡ê气力。人想óa靠庞(pâng)大ê军队来维持秩序、保护社畿安全,结果是枉然、无用。这tú亲像诗篇ê诗人所讲ê:óa靠军事武力是愚戆、无用ê(参考诗篇三十三:16—18)。Chit所在ê「沙勒幔王摧毁了伯・亚比勒城」,并无任何资料记载。

重新查询 专卷研经 何西阿书系列
错误回报,请联系comm[@]fhl.net