何西阿书 1章1节 到 1章11节   背景资料  下一笔
先知何西阿是属tī主前第八世纪ê先知,tī伊ê时代,ē-sái讲是北国以色列siōng繁荣ê时代,人民teh过安定、富裕ê生活。Tī chit种世代里,人对信仰ê事往往是无忠实ê,通常比较khah倾向kā信仰ê事当做社交活动ê一种,真少人会认真想tio̍h敬虔ê宗教心灵ê重要性。Tī经济生活富裕ê社会里,人siōng常想tio̍h ê是怎样thàn取koh khah chē ê财富,认为án-ne就ē-tàng过koh khah好ê生活。真少人会想tio̍h为tio̍h达成thàn取koh khah chē财富,人心往往表现出像创世记作者所讲ê「人类ta̍k个邪恶,头尾心怀恶念」(参考创世记六:5)。Á chit种为tio̍h thàn取koh khah chē财富致使伦理道德ê沦丧,以及信仰品质堕落ê案例,lóng thang tùi圣经ê文献中看会出来。

Chit章真清楚上帝ài先知何西阿去娶一个会对伊无忠实ê bó͘,用chit种方式teh譬喻上帝「娶」了以色列民族做bó͘,虽然知影bó͘会晓背叛,上帝á是期待bó͘会tńg来到身边来。Chit章甚至讲先知何西阿ê bó͘歌蜜有娠生kiáⁿ,连为gín-á号ê名,lóng teh譬喻tio̍h以色列民族背叛上帝了上帝。

第1节,chit节一开始就提供了真重要ê历史背景,而且是包括南北二国ê政治年代。Chia提起南国犹大ê几位君王,分别是:「乌西雅」(主前792~740);「约坦」(主前750~732);「亚哈斯」(主前735~716);「希西家」(主前716~687)等。In lóng是属tī主前第八世纪ê世代。接着作者讲北国「以色列国由约华施ê kiáⁿ耶罗波安王统治」,chia ê耶罗波安王是teh指耶罗波安二世。伊统治北国以色列是tī主前793年到753年。Chit段期间是北国siōng兴盛ê时代,m̄-nā经济能力强,而且国势向外扩展甚快。Tī伊统治下,收复了伊tī约旦河东所失去ê有khah好地方,甚至有kóa以色列人民kā它看做是「救星」(弥赛亚ê意思)。如果tio̍h讲一个国家强弱,耶罗波安二世ê时代,ē-sái讲是北国以色列自分裂以来siōng强盛ê时代,m̄-koh就tī chit时chūn,上帝ê话临到先知何西阿,ài伊传达上帝hō͘伊ê信息。

「何西阿」,chit-ê名ê意思是「救恩」。除了以上chiah-ê君王时代ê资料背景kah伊ê老父「备利」chit-ê名外,关系伊ê资料lóng付之阙如,这是非常可惜ê事。

第2节,chit节讲上帝ê话藉tio̍h先知何西阿beh传hō͘「以色列人」。Chit-ê信息ê内容是beh先知何西阿「去结婚」,而且结婚ê对象是beh伊去娶一位会对伊「不贞」ê bó͘,甚至in生落来ê kiáⁿ mā会像老母仝款「无忠实」。然后续落来就讲出chit种婚姻关系,就是亲像上帝kah以色列民族之间ê关系仝款,是夫妻。若是bó͘对丈夫无忠实,就表示bó͘ ná亲像「淫妇仝款」。用chit种方式来形容以色列民族对上帝ê无忠实,「背离」了上帝,而且是一代传一代,连下代kiáⁿ孙lóng对上帝无忠实。

第3节,先知何西阿娶一个名叫「歌蜜」ê cha-bó͘人做bó͘。歌蜜,chit-ê名真可能就是一位tī庙里当庙妓ê cha-bó͘人。Chit节讲in结婚不jōa久,就生「一个kiáⁿ」。

第3到5节,chit节讲先知何西阿遵照上帝ê旨意去kah「滴拉音ê cha-bó͘-kiáⁿ歌蜜结婚」,而且「生落来一个kiáⁿ」。先知何西阿照上帝ê旨意号名为「耶斯列」。这是一个地名,mā是古代ê军事要地(参考士师记六:33)。Chit-ê名ê意思是「上帝赶散」。在列王纪下第九到十章记载耶户bat tī chia造反,刣尽了亚哈王室家族,篡夺王位,结束暗利王朝ê统治。因为hit-pái大屠杀ê影响,每pái有人提起「耶斯列」chit-ê名称,就会想起感觉一种不祥ê预兆teh beh来临。现在上帝ài先知何西阿kā家己ê kiáⁿ号名为「耶斯列」,mā有意思beh表明上帝beh审判以色列人民,而且chit种惩罚是严重ê,ná亲像当年耶户tī耶斯列篡夺王位后,对暗利王朝进行大屠杀仝款。现在上帝beh施行审判,「结束耶户ê王朝」,这等于是beh摧毁「以色列ê军队仝款」,表示北国以色列会被消灭,这是因为in所犯ê罪ê缘故。

第6节,「歌蜜koh再有娠,生一个cha-bó͘-kiáⁿ」,上帝ài先知何西阿为chit-ê cha-bó͘-kiáⁿ号名为「罗・露哈玛」。Tī以色列文化中为gín-á号名是有非常意义ê,tī in ê看法里,名是有真实性命经验ê意义。这m̄-nā是一个人ê记号,mā teh代表chit-ê人ê性命kah上帝之间互动ê关系。「罗・露哈玛」所代表ê是「上帝不怜悯」,这已经讲出chit-ê cha-bó͘-kiáⁿ kā成做弃婴般ê可怜,无人会疼惜,mā无人会替伊讲话。用chit种名teh象徵kui个以色列人民tī亚述帝国统治之下ê新生代仝款,无论是jōa-ni̍h-á痛苦,mā bē有人疼惜、怜悯。

第7节,chit节kah第6节是相对ê;上节讲上帝无koh爱北国以色列,却teh疼南国犹大。Chia讲上帝beh「爱犹大这一间」。Chit节反应了主前722到721年,以及主前701年ê历史背景,就是当时亚述帝国军队进攻耶路撒冷,hit时是希西家统治时代,上帝保护耶路撒冷城免tī被亚述帝国攻破而沦亡。Chia讲上帝ê拯救「m̄是用战争,m̄是用弓箭、刀剑、军马、骑兵解救」,这表示上帝beh用奇妙ê作为,chit种作为kah一般君王、国家ê观点大无相仝。

第8到9节,讲先知何西阿ê bó͘「歌蜜kā她ê cha-bó͘-kiáⁿ罗・露哈玛断奶后koh有娠,生一个kiáⁿ」,上帝ài先知何西阿hō͘ chit-ê cha-bó͘-kiáⁿ号名为「罗・阿米」,意思是讲上帝kah以色列人民ê关系已经切断à。这表示讲以色列民族无koh是上帝ê子民,上帝mā「m̄是」以色列民族ê上帝。这说明了上帝kah以色列人民之间ê「约」已经破坏、断绝à。过去上帝kah以色列民族之间所立约ê,就是他是以色列人民ê上帝,而以色列人民是他ê子民(参考创世记十七:7,出埃及记六:7,利未记廿六:12)。这mā teh表示就án-ne以后,in kā失去上帝ê保护。

第10节,chit节前半句说明过去tī上帝赐福之下,以色列民族ê人口继续增加,而且是chē到「像海沙仝款数不尽,量不完」,这是因为上帝hō͘ in in祖先ê应允。M̄-koh现在上帝拒绝继续当in ê上帝,无koh承认以色列民族是他ê子民ê时,表示chit种赐福会停止,真自然tek,表示人口会大量减少。

Chit节ê下半句讲「有一工」,chit-ê词往往用tī上帝审判ê时刻来到。Chit所在chit句「有一工」用来表示上帝ê审判过了后,会赏赐hō͘残存ê以色列民族,hō͘ in koh一pái成做「永远活ê上帝ê kiáⁿ,表示上帝beh赦免in过去所犯ê罪。

第11节,这是非常重要ê一节经文,mā ē-sái讲是先知何西阿ê信息中心。Chia讲「犹大家kah以色列家beh koh一pái联合起来」,而且会有家己「推选」出来ê「领袖」,这lóng teh表示in 以后be7 koh是hō͘掳、被统治ê人民,却是独立自主,而且会tńg去家己ê故乡,tī「家己ê土地顶面」安定地khiā起落来,thang「掖种」、「成长」、「壮大」,而且「繁荣起来」,这是极大ê好消息。

重新查询 专卷研经 何西阿书系列
错误回报,请联系comm[@]fhl.net