Chit段经文koh一pái重述约瑟kah众兄哥修好ê记事，为tio̍h是beh khah强调雅各家族之所以ē-tàng tī埃及快速发展，主要原因就是在tī兄弟和睦相处。

Siōng重要ê是tī第19节，chit节约瑟对众兄哥讲「我无法度代替上帝」，chit句话tú好回应了第三章5节，诱惑者对人讲「会亲像上帝」，说明当人想beh扮演上帝角色ê时，犯罪所带来ê性命苦难就会续接teh来，á对性命带来ê死亡威胁mā会连连不断来出现。因为án-ne，约瑟ê chit句「我无法度代替上帝」，tú好kā kui卷创世记ê中心思想串连起来：当人想beh代替上帝ê时，结果是换来死亡kah痛苦、灾难。当人知影家己ê渺小、有限时，chiah ē-tàng体会出上帝奇妙ê救恩，kah无限ê恩典。约瑟真清楚kah伊ê兄弟讲，伊知影这一切lóng是出tī上帝美好ê旨意，大家chiah ē-tàng保存性命落来。

第21节，约瑟向伊ê兄弟保证，一定会照顾in kah in ê家眷。