创世记 41章25节 到 41章36节   背景资料  上一笔  下一笔
Ē-tàng看出约瑟确实是有上帝同在,是一个真有智慧ê人,虽然伊是希伯来青年,m̄-koh m̄是埃及人眼中真低级ê人。

伊先kā两个梦看做是一个,并且kā「七」这数字真清楚讲出时间,就是「七年」,而且这七年所呈现出来ê,是kui个环境问题,包括有七年ê丰收kah七年ê严重干旱。Á丰收是超过人所ē-tàng想像ê丰富,相对ê,干旱ê严重性,是到人所无法度想像kah承受会tiâu ê状况。

第25 kah第28节,约瑟两pái强调上帝「已经kā家己ài做ê事预先kā国王讲。」,chit句话充分表示上帝是透过chit两个仝款ê梦,向埃及国王讲话,同时mā表示梦里所传达出来ê信息必定会实现ê意思。这mā是约瑟tī第32节向国王所讲ê。

第33到36节,chit段经文是约瑟对埃及王ê建议,可见约瑟m̄-nā解梦,iáu进一步提出án怎去预防以后七年严重干旱所带来ê问题。

伊提出几点建议:1.是起用「有智慧有远见ê人」,派chit种人「管理国政」。

是teh指派官员tī七年ê丰收年间徵收「农产物ê五分之一」。3.Tī丰收年中「储备粮食,派人管理」。Án-ne,大量囤粮落来chiah有办法tī饥荒年期间「thang供应全国人民」粮食ê需要,「hō͘人民bē致使饿死」。

约瑟chit种表现,m̄-nā是tī解梦,真正重要ê是伊kā tùi梦中看见ê异象,提出建议来预防beh发生ê灾难。Án-ne chiah是真正智慧。

重新查询 专卷研经 创世记系列
错误回报,请联系comm[@]fhl.net