以斯拉记 7章1节 到 7章10节   背景资料  上一笔  下一笔
Tùi chit章开始直到第十章,lóng是记载经学教师、mā同时是祭司ê以斯拉ê tāi-chì迹。Tī第七到八chit两章绍介伊ê任务,然后第九到十章,则绍介伊怎样处理以色列人民堕落生活ê方式。

Chit段经文是绍介以斯拉ê身分背景。

第1到5节,这是有关以斯拉ê族谱。

Chia讲以斯拉tī亚达薛西做波斯皇帝ê时chūn回乡ê。这表示伊m̄是第一批回乡ê人员。如果chit位亚达薛西皇帝是一世ê话,伊当皇帝ê时间是主前465到424年,而以斯拉是tī主前458年tńg去犹大。因为án-ne,thang确认以斯拉就是tī亚达薛西一世ê时代回乡ê。

「以斯拉是西莱雅ê kiáⁿ」,m̄-koh根据列王记下第廿五章18到21节讲,西莱雅tī主前587年被巴比伦护卫长尼布撒拉旦掠,并且处死。主前587年距离以斯拉tńg去耶路撒冷chìn前有一百三十一年ê cheng差,因为án-ne,chia讲莱雅是用斯拉ê老父,并无正确。有一个可能是希伯来文ê「老父」,mā有另外一个意思是「祖先」ê意思。Á「kiáⁿ」ê希伯来文mā有「kiáⁿ孙」ê意思。

    第6到10节,这是一段真重要ê经文,说明以斯拉乃是一位饱学ê经学教师。因为耶路撒冷圣殿毁tī主前586年(参考列王记下第廿五章),圣殿内ê经卷lóng被火烧殆尽,因为án-ne,当犹太人沦亡tī巴比伦做奴隶ê时chūn,in重新口述所知ê经卷内容,mā可能有写落来一kóa片段,mā有可能利用tī巴比伦ê日子继续不断ê口述,in tī回乡了后,以斯拉赶紧训练一批人投入tī「专心研究」,并且kā它用笔记录落来,koh kā它用来教导人民,这就是圣经之所以被保存落来ê一个主要原因。Mā thang án-ne讲,以斯拉对后代犹太教经典有bē-tàng磨灭ê贡献,mā就是伊抄写落来咱今á日读ê旧约圣经。

重新查询 专卷研经 以斯拉记系列
错误回报,请联系comm[@]fhl.net