以斯拉记 6章1节 到 6章12节   背景资料  上一笔  下一笔
Chit章siōng主要是记载波斯皇帝大流士tī接tio̍h属下呈起来ê奏本后,马顶下令查询是m̄是过去塞鲁士真正有下令,beh hō͘ chiah-ê犹太人建造耶路撒冷圣殿。结果发见chiâⁿ实有chit件事,因为án-ne,伊m̄-nā同意,而且iáu下令tio̍h协助建造圣殿ê工程。

Chit段经文说明后来确实有chhōe-tio̍h关系塞鲁士皇帝同意犹太人tńg去故乡,而且帮助重建圣殿ê记事。而且明文规定,任何君王á是人民若是想beh推翻chit件重建工程,lóng该受tio̍h惩罚。

第1到2节,当大流士皇帝接tio̍h顶面所讲ê奏文后,随时就下令调阅保存在巴比伦皇室ê资料,果然发见了一份资料。

第3到5节,chit份资料就是塞鲁士执政ê第一年,就bat下令tio̍h重建耶路撒冷ê圣殿。连圣殿ê规模大细lóng列出来,并讲beh kā巴比伦ê尼布甲尼撒王搜刮来ê圣殿金银器皿lóng tio̍h还hō͘耶路撒冷圣殿,khǹg tńg去原来地方。

不过,chia提起ê规模之大细,却kah列王记上第六章2节所讲ê「圣殿ê内部长二十七公尺,宽九公尺,高十三公尺半」,koh tī「圣殿ê边á kah后面,建造三层厢房,每一层高两公尺两公寸」,而且siōng下底一层ê厢房每间宽两公尺两公寸;中间ná层ê厢房宽两公尺七公寸;顶面ná层ê厢房宽三公尺一公寸。每一层ê殿墙lóng比下底一层ê薄;án-ne,房间thang造tī墙上,免得kā梁木安khǹg tī墙里」无仝款;chit份记录是「二十七公尺高,二十七公尺宽」,而且tī「每三层石头壳顶加上一层木材」。显然chit-má所重建ê圣殿比原来所罗门时代所建造ê,tī底座上就缩小真chē。可能因为这是波斯ē-thang助in ê siōng大范围。M̄-koh对tī被殖民ê人民来讲,宗主国án-ne礼遇in,已经是上帝极大ê恩赐。

Iáu有,chit份皇室备忘录里记载重建圣殿ê「一切费用由国库支付」,chit点tú好说明chit件重建ê事,m̄-nā beh允准,iáu koh khah由国库支付费用,án-ne chiah是重点。Mā因为án-ne,大流士皇帝马顶下命令ài所有官员倾力协助犹太人重建圣殿ê工程,这显示伊尊重先皇帝ê决定。

第6到7节,大流士皇帝看tio̍h chit份历史档案资料,随时就做出了重要决定:要地方官员远离圣殿,m̄-thang干涉in重建ê工程。

第8到9节,伊同时下令chiah-ê官员tio̍h提供in所需要ê一切,包括献祭用ê,以及祭司所需要ê一切lóng tio̍h尽所ē-tàng提供。

第10到12节,大流士皇帝认为只要帮助犹太人ē-tàng完成重建圣殿,就会hō͘ in ê上帝欢喜,in ê上帝mā会赐福hō͘大流士kah伊ê kiáⁿ孙。因为án-ne,不准有任何人删改这道命令,任何想beh阻止ê人lóng该受tio̍h严厉ê惩罚。

Chit种命令tú好kah本来举发犹太人重建圣殿而beh透过呈报皇帝hō͘伊停工ê构想tú好ē-tàng其反。这mā说明第五章5节所讲「上帝看顾犹太人ê父老领袖」ê结果,因为有上帝帮助,chiah有超越障碍ê成果。

重新查询 专卷研经 以斯拉记系列
错误回报,请联系comm[@]fhl.net