以斯拉记 6章13节 到 6章22节   背景资料  上一笔  下一笔
Chit段经文讲tio̍h chiah-ê地方官员看tio̍h皇帝大流士下ê命令,就m̄敢阻止,á是teh协助工程ê进行上有任何怠慢ê所在,因为án-ne,致使重建工程真紧to̍h完成。Chit段经文mā同时提起回乡tńg来ê犹太人,照规定守Pôaⁿ过节kah除酵节。

第13到15节,chit段经文讲因为有波斯大流士皇帝顶面所讲ê命令,并下令要地方官员tī重建工程上hō͘ in siōng大ê协助,因为án-ne,重建圣殿ê工程无koh像过去仝款受tio̍h阻扰,而且ē-tàng顺利进行。因为án-ne,tī大流士在位ê第六年,mā就是主前516年ê 3月12日完成,距离第四章24节讲ê「大流士统治ê第二年」继续重建ê工作,án-ne共费ê时约三年半ê时间,而且tú好kah先知耶利米预言犹太人kā tī巴比伦做奴隶「七十年」(耶利米书廿五:11—12)相符。
第16到18节,ē-tàng完成圣殿ê建筑,应该讲对kui个以色列民族来讲,lóng有非凡ê意义。因为án-ne,以色列人民,包括祭司、利未人,kah所有tùi巴比伦回乡ê人lóng参加了「奉献圣殿ê典礼」,这mā是in第二pái圣殿奉献礼,第一pái是所罗门完成第一pái圣殿建造后(参考列王记上八:62—64)。当然kah所罗门时代举行ê献殿礼无法度相比,因为所罗门时代mā是以色列民族siōng颠峰ê世代,chit-má则tùi被俘虏之地tú tńg来,百废待兴,万事待举,无可能teh献殿礼方面大肆铺张,不过已经难能可贵ā,in有仝款ê心志表明对上帝ê忠心。Koh讲,in mā同时恢复摩西律法册上规定ê,kā祭司kah利未人重新组织起来,按照规定排班tī圣殿里服事。

第19到22节,这mā是in tùi奴隶之地tńg来后第一pái举行Pôaⁿ过节祭典。Chit项祭典对犹太人来讲有真特殊ê意义,因为表明in就ná亲像早年祖先出埃及仝款,chit-má是tùi巴比伦奴隶之地被救出来,一定有真chē感触chiah-tio̍h。注意第22 节ê「亚述皇帝对in友善」,是teh指「波斯皇帝」来讲。

所有举行Pôaⁿ过节kah除酵节ê礼仪,就是按照摩西律法上ê规定而行,值得注意ê,是第21节所讲ê,m̄-nā是回乡ê以色列人民守这重要节期,包括归属耶和华上帝ê外族,mā lóng参加这重大节期。

重新查询 专卷研经 以斯拉记系列
错误回报,请联系comm[@]fhl.net