以弗所书 5章1节 到 5章20节   背景资料  上一笔  下一笔
Tī使徒保罗ê书信中一再强调基督徒ê性命观,应该kah iáu未信耶稣chìn前有无仝。伊以「新我」kah「旧我」做对比来形容,伊讲做「新我」ê人,就ná亲像是一个重新受创造ê人一般,有「上帝ê形像」,表现出来ê是「正义kah圣洁」;而「旧我」,是生活tī私欲ê诱惑中,是腐化ê、流俗ê。

Chit-má第五章是继续teh讨论有关基督徒ê生活内涵。Tùi使徒保罗所写ê书信中mā发见一点,就是讲tio̍h生活ê层面ê时,lóng是非常具体、实在。换句话讲,伊ê教导并m̄是生活经验之外,á是oh得实践ê事,却是大家lóng做会到ê事。问题只在tī愿无愿意照án-ne去做而已。

Chit段经文是有关基督徒ê社会生活方面ê问题。
第1到2节,chia一开始就讲tio̍h信耶稣ê人,ài有chit份自信,自认是上帝所kah意ê kiáⁿ,因为án-ne,基督徒tio̍h效法ê对象,就是上帝。换句话讲,mā就是用上帝为准则。耶稣tī山上宝训中án-ne讲:「Lín tio̍h 做完全ê人,亲像lín ê 天父。」(全民版)」(马太福音五:48)伊koh讲:「Lín tio̍h 有怜悯ê 心,亲像lín ê 天父teh 怜悯人。(全民版)」(路加福音六:36)kā标准khǹg tī上帝ê准则上,人就知影家己ê有限,bē骄傲à。当人bē记得上帝,人就会认为家己真了不起。上帝既然chiah-ni̍h疼人,连他ê独生kiáⁿ耶稣lóng ē-tàng牺牲tī十字架上,就是beh显示他拯救ê疼,án-ne,所有ê基督信徒lóng应该学习chit种牺牲ê疼。

第3到5节,chia提起基督徒siōng忌讳ê事有三项:淫乱、污秽,kah贪婪等。因为这三项lóng是会hō͘耶稣tī十字架上救赎ê恩典hō͘践踏à。使徒保罗特别强调讲有这三项罪名ê人,绝对无法度成做上帝国度ê子民。伊特别指出「贪婪等于拜偶像」,因为贪婪就是对上帝无信心chiah会做出ê行为。

第6到7节,chia所讲ê「空口白话」,意思是虚妄、不诚实、欺骗ê话语,会讲chit种话,就等于做假见证仝款,bē荣耀上帝。使徒保罗劝勉以弗所教会信徒,siōng好m̄-thang kah chit种人来往。

第8到13节,chit段经文中,使徒保罗以「乌暗」kah「光明」来表明一个基督徒应该有ê生活态度,是kah iáu未信靠耶稣ê以前有差别ê;信耶稣了后,做tāi-chì为人ê态度是光明磊落。相对ê,tī iáu未信耶稣chìn前,人ê心中常常会有一个念头:无人知影暗地发生ê事,m̄相信上帝会鉴察人心内ê意念。M̄-koh chit-má信耶稣了后,就无koh是án-ne,却是会因为ē-tàng坦荡荡地做tāi-chì,感谢上帝ê恩典。使徒保罗讲人ê行为光明会结出「良善、正义,kah真理」ê果子。基督徒ê时常思想:甚么是主所欢喜ê事。有chit种念头存在心中,就bē去做无应该做ê事。

第14节,使徒保罗tī chia引用一首诗歌,m̄-koh无法度明明确知影出tī何处。伊用chit首诗歌是beh表明一个基督徒,ná亲像一个koh活ê人仝款,伊无koh生活tī「乌暗」(死亡)ê中间,却是有koh活(光明)ê性命。

第15到17节,使徒保罗讲基督徒ê行为需要谨慎,这是非常重要ê课题。因为基督徒是带有上帝形像ê人,是上帝盖了印记ê人。伊所代表ê已经无koh是伊个人,却是属tī基督ê身躯,就ná亲像点亮ê灯光一般。伊讲基督徒应该「tio̍h像智慧ê人」。所讲ê「智慧」,指ê是认bat上帝ê意思。相对tī「智慧」,就是「糊涂人」,mā ē-sái讲是对上帝完全m̄-bat ê人。

第18到19节,chit三节经文mā thang看tio̍h早期教会已经有ê聚会型态,就是常常唱诗歌、歌颂上帝。注意第18节提起「m̄-thang酒狂,he是会败坏人ê」。基督教ê信仰无禁止过lim酒,m̄-koh,tī基督徒ê信仰行为中却非常强调不准酒狂。使徒保罗讲「酒狂」会败坏人。使徒保罗tī chia讲预防酒狂ê siōng好方法,就是hō͘圣神充满,而且用诗歌o-ló上帝来抵抗人tī chit方面ê软弱。换句话讲,伊希望身为基督徒ê人,tio̍h时常óa靠圣神ê气力来抵挡chit-ê世界ê诱惑。最后chia mā提起做基督徒ài有凡事感谢ê心。因为基督徒相信tī每一件tāi-chì ê背后,lóng有上帝ê旨意在内面。

重新查询 专卷研经 以弗所书系列
错误回报,请联系comm[@]fhl.net