以弗所书 1章1节 到 1章14节   背景资料  下一笔
Ná亲像其他书信仝款,使徒保罗一开始就是先写上家己ê名,这mā是当时写书信ê一种范本。M̄-koh头前已经有叙述过,chit封以弗所书是m̄是是使徒保罗所写ê,到taⁿ iáu是圣经学者探讨ê问题,jú来jú chē ê学者认为m̄是使徒保罗写ê书信,而认为是一封tī当时亚细亚众教会信徒间传阅ê书信。不过mā有可能是使徒保罗ài伊ê助手替伊写chit封phoe,伊kā大意讲清楚后,助手写ê时chūn,踏话头就以「我是保罗」ê样式写chit封书信。

Tī chit章中,使徒保罗强调所有听信耶稣真理信息ê人,就会充满tio̍h上帝赏赐ê圣神,而这圣神就是上帝启示真理ê气力。Á上帝已经hō͘耶稣tùi死里koh活,chit位koh活ê耶稣已经坐tī上帝ê正pêng,上帝用伊做所有教会ê元首,是所有教会ê中心。

Chit段经文原本是只有一句话,mā ē-sái讲是kui本圣经中siōng长ê一句话,长到12节。Tī chit段经文中,通常会kā它称做「三一颂」,因为Tī chit段经文中,先歌颂「父上帝」奇妙ê作为(第3到4节),然后讲述上帝藉tio̍h「基督」完成他拯救ê计画(第5到12节),最后讲上帝应允kā「圣神」赏赐hō͘所有信基督ê人(第13到14节)。

第1到2节,ná亲像写hō͘其他教会书信仝款,tī使徒保罗ê书信中,起头lóng会有伊ê名kah请安话语。Koh讲,mā像写其他书信仝款,使徒保罗lóng会先自我绍介是「基督耶稣ê使徒」,就ná亲像伊写hō͘罗马、哥林多、加拉太等教会ê书信仝款。特别是伊写hō͘加拉太教会ê信中,开场就强调家己之所以成做「使徒」,并「m̄是因为人ê选召,mā m̄是受人ê委派,却是耶稣基督kah hit-ê hō͘伊tùi死里koh活ê父上帝指派ê」(参考加拉太书一:1)。使徒保罗会án-ne用chit种踏话头,siōng主要是当时教会内有一股反对伊ê声浪,认为伊无跟tòe耶稣基督传福音,而且tī福音开始传播ê时,iáu是迫害者。chit-má却成做福音事工ê掖种者,chit点hō͘当时真chē犹太基督徒非常无法度接受。

其实,真正理由是使徒保罗tī外面邦地区传福音ê时,反对要求外邦人一定tio̍h先接受割礼chiah会得thang进入教会,伊一再强调耶稣基督就是拯救ê中心,有无割礼,已经m̄是siōng重要ê事loh,重要ê,是每一个信耶稣ê人lóng会成做一个新造ê人(参考加拉太书六:15),伊对割礼ê态度,hō͘伊kah保守ê犹太人基督徒之间有真大ê隔阂,甚至因为án-ne演变有kóa人iáu为tio̍h án-ne事到使徒保罗所开拓ê教会去,讲使徒保罗所讲ê m̄是「福音」,因为伊无教导外邦人先接受摩西律法规定ê割礼,这就是令使徒保罗伤心ê「另外一种福音」(参考加拉太书一:6—10)。因为án-ne,伊强调家己ê「使徒」角色kah身分,主要是teh说明伊所传ê福音,是真实ê,是kah koh活ê耶稣基督有bē-tàng分开ê关系。

Tī有kóa古老ê抄本里,并无「写hō͘以弗所地方」chit句话,mā因为án-ne,有真chē学者认为chit封书信并m̄是写hō͘以弗所教会信徒ê书信,却是hō͘真chē教会信徒共同传阅ê书信。

Chia ê「忠心」一词,表示tī信心上表现出坚忍、毅力。意思是teh指真清楚家己所信ê。「恩典」,这表示上帝赏赐ê救恩,而这救恩就是tī耶稣基督身上。Á「平安」有含kah上帝和好ê意思。Án-ne,chit两节所beh表达ê意义,就是tī耶稣基督ê救恩里,hō͘所有信耶稣基督ê人lóng ē-tàng kah上帝和好。

第3到14节,chit段经文原本tī希腊文就是用一句话ê形式写做ê。Thang kā之分做三个段落来看:第3到6节,tī chit段经文中,使徒保罗讲tio̍h「拣选」ê问题,除了伊讲家己是上帝亲自ê拣选外,chia伊mā讲tio̍h所有信耶稣ê人,lóng是早tī上帝创造chìn前就已经决定beh拣选ê对象。会有chit种看法,是有高超信仰ê人才体会得出来。换句话讲,chit句话本意在说明ê是:m̄是人有甚么好,chiah会得tio̍h上帝ê拣选、赏识。却是因为tī kui个拯救计画中,上帝早就决定beh chhōe toh一kóa人来成做他ê同工。因为上帝是圣洁ê,因为án-ne,成做上帝ê同工者mā一定tio̍h是过圣洁生活ê人(参考利未记十一:44、十九:2,申命记十四:2—3、廿三:14、廿六:19,罗马书十二:1—2)。Tio̍h注意ê是,成做圣洁ê人,是因为拣选带来ê结果,是有圣神ê气力充满所结出ê果子,m̄是因为人家己认为「圣洁」,chiah hō͘上帝想tio̍h拣选chit-ê人。Koh讲,mā Tī chit段经文中,使徒保罗劝勉阅读此书信ê信徒,一定tio̍h有一种被拣选ê荣誉感,因为拣选是上帝极大ê恩典。

第7到12节,tī chit段经文中,使徒保罗讲tio̍h一个基本观念:拯救,是包括一切受造物。M̄是只有人类而已。Chit种信仰认知kah创世记第三章18节提起ê,人犯罪了后,上帝惩罚人ê时,连带ê是土地mā受tio̍h惩罚,而土地是万物生长ê根基。因为人kah kui个受造ê宇宙存在是息息相关,无法度分开ê,原因是人受造,是为tio̍h kah上帝同工管理受造物。人犯罪,hō͘其他受造物被连累。相对ê,人得救,mā就是kui个受造物得tio̍h恩典。

第13到14节,chit两节提起一个信了耶稣ê人,身上是带圣神所做ê印记,这印记是真理ê记号,这真理,会hō͘人得tio̍h「完全ê自由」。一个真正自由ê人,是bē koh再有族群ê「你」kah「我」之间ê区别,chit点mā是此书信ê中心信息。

重新查询 专卷研经 以弗所书系列
错误回报,请联系comm[@]fhl.net