阿摩司书 4章1节 到 4章13节   背景资料  上一笔  下一笔
Chit章经文m̄-nā谈起北国以色列人民一边tī伯特利敬拜上帝,另外一方面mā继续犯罪,这说明了连祭司lóng只知影看tio̍h人民献祭奉献,却m̄知阻止in犯罪ê行为,因为án-ne,上帝kā不接纳in所献ê祭,颠倒ê,是用koh khah严厉ê方式惩罚in。

    另外一方面,chit段经文特别提起撒马利亚ê妇女mā是参与犯罪ê共犯。因为án-ne,上帝mā beh惩罚in。

    第1到3节,这是一段真值得注意ê经文;chia提起「巴珊ê母牛」;「巴珊」,是设tī加利利海ê东边,有广大ê草原,因为土地肥,草原丰富,因为án-ne,「巴珊」chit-ê名字ê意思就是teh指肥,连chit所在ê牛、羊lóng成长kah真肥壮。当时ê hiah-ê人siōng ài用「巴珊ê母牛」chit-ê词句来形容一个妇人ê高贵、美丽、富有。现tī先知阿摩司kā它引用来形容chit种妇人,是teh指in乃是犯罪ê背后乌手。因为in ê财富乃是tùi「欺负弱者,压迫sàn-chhiah人」得来ê,而且是贪得无厌,过奢侈ê生活。

    「鈎子」,这是亚述人用鈎子鈎tòa战俘ê嘴唇á是鼻á,拖tio̍h in行(参考列王记下十九:28,历代志下三十三:11)。上帝讲撒马利亚ê妇女会án-ne被亚述人款待当做惩罚ê方式,然后hông弃sak到城外死去。

    第4到5节,chit两节是反讽ê讲词,先知阿摩司用chit种语句teh描述以色列人民犯罪ê情形。看起来kah-ná真敬虔ê款,m̄-koh实际上并不如此,虽然是「ta̍k工献牲祭,每隔三工奉献所得十分之一」,mā是枉然,因为ná lóng是虚假ê外表。

    「伯特利」,这是北国以色列宗教中心,tī chia有宏伟ê圣殿thang比得耶路撒冷ê圣殿。

    「吉甲」,是以色列人民记念上帝奇妙恩典ê一个宗教圣地。

    第6到8节,tùi第6节到第11节,先知阿摩司用特殊ê语句讲出上帝对以色列人民,并m̄是tī in犯罪了后就马上惩罚,á是发出受气,上帝确实是一直teh期待tio̍h以色列人民会知影悔改,归向他。M̄-koh显然地以色列人民是bē记得上帝ê话语,mā bē记得in kah上帝之间所立ê约à。因为án-ne先知阿摩司tī chia提出上帝kā严厉惩罚in,就是用饥荒、炕旱,而这是威胁tio̍h性命生存ê灾难,m̄-koh,人心已恶质到极点,甚至是麻痹à。因为án-ne,即使是tī严重饥荒、炕旱ê情况下,人心á是僵硬、不悔改。

    第9到11节,Tī chit段经文中,先知阿摩司提出两件历史事件做教材:一是出埃及ê经验,因为瘟疫一再出现,hō͘埃及人ê家禽、cheng-seⁿ lóng相继死亡(参考出埃及记九:1—7)。先知阿摩司提出chit-ê历史事件,是beh kā以色列人民讲,当年因为瘟疫,hō͘埃及人受难、痛苦,m̄-koh却保护了以色列人民ê性命、财产安全。Taⁿ却颠倒,当年降临在埃及人身上ê灾难,会临到以色列人民中。    二是tī第11节中所提起ê事件—所多玛城kah蛾摩拉城毁灭ê事件。Chit两个城因为弃sak上帝ê教示,堕落到连上帝ê使者mā tio̍h凌辱,结果上帝tùi天顶降落大火烧毁了chit两个城市,只chhun罗得kah伊ê两个cha-bó͘-kiáⁿ逃离出来。

    「Ē-sái讲是lín犹原不归向我」,chit句话贯穿了kui卷阿摩司书。先知阿摩司就是受差派来警告以色列人民ê使者,伊kā以色列人民讲,ài in看见家己已经远离上帝ê教示à。M̄-koh,先知阿摩司虽然是一再地苦劝以色列人民悔改,却都无得tio̍h回应,án-ne chiah是siōng令上帝受气ê所在。

    第12节,chia虽然无提起上帝ài怎样处罚以色列人民,m̄-koh,却提醒以色列人民tio̍h准备好势向上帝「交帐」。「交帐」ê意思是teh指「面对上帝」。这表示上帝kā ài beh进行严厉ê审判ê意思。

    第13节,这是一首诗歌,tùi诗中看出先知阿摩司警告以色列人民,别认为上帝无可能做toh一kóa事,上帝既然ē-tàng造山、造风,必定ē-tàng hō͘日时转变成做暗夜,无任何事ē-tàng难倒上帝!真可能当时ê以色列人民认为tī耶罗波安二世ê统治之下,国势坚强、社会富裕、政治势力坚定,tùi án-ne in认为:án-ne坚强ê国家,强猛ê军事武力,有甚么人ē-tàng奈何得了以色列国?甚么人ē-tàng摧毁它?先知阿摩司beh表示ê是:一旦惹上帝受气,人无论拥有甚么都无用。因为真正统治全世界ê,是上帝。

重新查询 专卷研经 阿摩司书系列
错误回报,请联系comm[@]fhl.net