使徒行传 8章1节 到 8章4节   背景资料  上一笔  下一笔
Chit章是基督教会历史上非常重要ê史料,讲tio̍h早期宣教工作会án-ne向外扩展到外邦人地区去,是因为信徒tī耶路撒冷受tio̍h迫害ê缘故。Koh讲,kā福音往外邦地去传开ê,是信徒,m̄是使徒。Chit点对今á日ê宣教工作应该有真大ê启示作用。

Chit章是用siōng早被推选出来ê七位门徒之一ê腓利tī撒马利亚地区,以及向外邦人传福音做主要结构,说明福音往外传开ê情景。

Chit章开始就清楚说明司提反ê殉道,kah扫罗有密切关系。Koh再比较第3节,thang看出扫罗是当时teh逼基督徒ê主要执行者。Mā tùi chia看tio̍h早期教会开始受tio̍h迫害是来自犹太人。Koh讲,mā tùi第1 节看tio̍h真正受tio̍h迫害ê是信徒,而众使徒kah-ná比较无受tio̍h迫害。Chit点mā是不时被提出来讨论ê问题之一。有一种看法是认为chiah-ê tùi侨居地tńg来耶路撒冷ê人中间,真chē人接受耶稣ê信仰,却mā同时引起犹太人宗教领袖ê不满,原因是可能已经会失去真chē犹太人应该维护ê传统风俗,hō͘ in看起来真bē顺眼。因为án-ne,in chhōe chiah-ê外国tńg来却相信耶稣ê侨民出气。Koh讲,使徒之所以无离开,有可能是in因为被圣神充满,bat被犹太人宗教领袖掠入狱,iáu是仝款m̄惊,因为án-ne,就算有迫害来临,in mā仝款坚守冈位。另外一点,因为早期教会tú开始就有kúi-nā千人(参考四:4)信了耶稣,in有责任留落来照顾in,chiah有后来发展到「数以万计」(参考廿一:20)ê成果出现。

「分散到犹大」ê「分散」chit-ê词,原本意思是「播散种籽」。Mā就是讲,chiah-ê因被迫害而一定tio̍h逃离ê信徒,并m̄是去躲避灾难,反tńg是kā福音ê种籽散播出去à。就ná亲像第4节所讲ê,in是「到各地传福音」。

第3节,chit节提起「扫罗进行摧残教会ê工作」,而且是「挨家挨户搜捕男女信徒」关入监牢里。Chia虽然无讲扫罗ê手段是怎样像第1节所提起ê「极残酷ê迫害」,m̄-koh thang想像会tio̍h可能像司提反ê遭遇仝款。

第4节,chit节讲出逃避迫害ê信徒纷纷到「各地传福音」。这tú好说明福音是tī苦难中发展起来,ná亲像耶稣死tī十字架上ê苦难,hō͘福音开始发芽(参考约翰福音十二:24)。

重新查询 专卷研经 使徒行传系列
错误回报,请联系comm[@]fhl.net