使徒行传 28章1节 到 28章15节   背景资料  上一笔  下一笔
Chit章thang分做两个部分,一是第1到15节,继续第廿七章航行ê记事。二是第16到31节,描写使徒保罗tī罗马监狱ê情景。

第1到3节,船顶ê人lóng上岸后,chiah知影he是马耳他岛。Chit岛tī 1964年脱离英国独立。原本是罗马帝国ê属地,tī西西里岛ê南方大约有一百公里远。以前kā它称做「米利大」,意思是teh指避难所,mā是当时地中海航行tī罗马帝国间船只ê中继站。这岛上ê居民好款待chiah-ê tùi搁浅ê船上岸ê人。使徒保罗因为天冷koh落雨,只好拾木柴起火,无想tio̍h木柴里bih一只蛇走出来缠tòa使徒保罗ê手。

第4到10节,使徒保罗因被毒蛇咬到,大家认为伊会因为án-ne而中毒死亡,却无想tio̍h伊并无受伤,chit件事hō͘伊成做tī chit岛上siōng受重视ê对象,因为岛上ê居民lóng认为使徒保罗就是「神明」。Mā因为án-ne会得thang有机会医好酋长部百流老父ê病,chit件事传遍到kui个岛上居民,in kā所有病人lóng带来hō͘使徒保罗医,使徒保罗因为有圣神同在,lóng医好in。Mā因为án-ne,岛上居民送hō͘这艘船顶所需要ê一切食物,chiah致使罗马军官kah兵丁ē-tàng顺利继续kā船顶所有ê囚犯送往罗马去。Tùi chia就ē-tàng看tio̍h圣神带领人行世间ê旅途ê时,lóng会有奇妙ê安排,即使人tī环境非常恶质ê状况下,mā会得tio̍h气力kah救助。

第11到14节,tùi马耳他继续航行到「部丢利」,chia就是罗马帝国siōng南端ê港口,距离罗马大约有125公里。这港口mā是当时重要ê麦á交易中心,真繁华ê城市。Tī这城里,使徒保罗遇tio̍h了「一kóa信徒」,虽然并m̄知chiah-ê信徒是tùi tó位得tio̍h福音,m̄-koh这是真珍贵ê资料。
第15节,chia讲使徒保罗一船人来到罗马后,就tú-tio̍h去亚比乌市场kah三馆来迎接伊kah其他同行ê罗马教会信徒。罗马教会是甚么人开拓ê ?Chit-ê直是一个问题,因为使徒保罗从来无去过罗马,ná到底是甚么人去开拓建立ê?koh讲,chia ê信徒可能已经tùi其他教会知影使徒保罗ê来到,因为án-ne关心kah探听船期ê事,可见chia ê信徒mā真关心使徒保罗上诉罗马皇帝法庭ê事。Chit点tùi后来看tio̍h伊tī罗马受tio̍h好ê款待,以及ē-tàng继续传福音,就ē-tàng明白是kah罗马教会信徒ê支持有密切关系。

重新查询 专卷研经 使徒行传系列
错误回报,请联系comm[@]fhl.net