使徒行传 28章16节 到 28章31节   背景资料  上一笔
使徒保罗受tio̍h好ê款待,并无被关tī监狱中,tùi第30 节thang看tio̍h,伊是家己sòe厝。Án-ne kah-he m̄是囚犯,m̄-koh却是有囚犯ê身分。因为伊是hō͘分开ê,「kah看守伊ê hit-ê兵丁tòa另外一个所在」。使徒保罗虽然是囚犯,m̄-koh被非常礼遇。伊ē-tàng会见tī罗马城ê犹太人ê领袖,可见tī chit城里有bē少犹太人。使徒保罗会见chiah-ê犹太人领袖,mā是希望藉chit-ê机会向in传福音。Koh讲,伊mā希望chiah-ê khiā起tī罗马城ê犹太人,会比耶路撒冷ê犹太人领袖koh khah理智,而mài伤害tī罗马城ê基督徒。伊特别强调家己并无「做甚么冒犯同胞,á是违背祖宗规矩ê事」。

第18到20节,使徒保罗清楚表明,虽然经过kúi-nā-pái ê审问,都无查出伊有犯甚么罪,原本ē-tàng被tháu放,只因为「犹太人反对」,伊只好去诉到罗马法庭来。

第21到22节,chiah-ê犹太人领袖ê回答说明两件事:(1)耶路撒冷ê犹太人领袖并无kā使徒保罗ê事传达过来。真可能是因为罗马ê时常发生犹太人ê纷争事件,令罗马政府非常不悦,甚至后来发生罗马皇帝克劳第驱逐犹太人出境ê事件(参考十八:2)。可能因为án-ne致使耶路撒冷当局m̄敢koh再kā使徒保罗ê事件传送过去,酿成koh khah chē ê争端。(2)罗马ê犹太人领袖认为使徒保罗是属tī另外一种教派,而且这教派ê时常受人攻击。第23到24节,chia thang看tio̍h使徒保罗lóng无放弃任何thang传福音ê机会,对chiah-ê犹太人领袖,伊是尽所ē-tàng ê见证上帝国度ê信息,并且引用「摩西律法kah先知书」ê教导,劝in信耶稣,虽然使徒保罗是tùi早到晚「向in讲解上帝国度ê信息」,结果是「有ê信,有ê m̄信」。

第25到27节,对tī chit种反应,使徒保罗引用以赛亚书第六章9到10节ê经文,伊beh表明家己有尽责任kā福音传hō͘ in。心硬ê人听bē落去,拒绝福音。

第28到29节,使徒保罗koh一pái表明,犹太人拒绝福音,这福音就会hō͘外邦人先驰得点。因为使徒保罗chit种观点,犹太人领袖中koh引起了剧烈ê争辩。

第30到31节,使徒保罗tī罗马当囚犯两年时间,是只要有来访人客,伊就向in传福音,见证有关「耶稣基督ê事」,m̄-nā án-ne,伊真正受tio̍h极大ê礼遇,都无「受tio̍h甚么阻碍」。Siōng特别ê所在,是使徒保罗家己租屋囚禁家己,用chit-má来讲,就是「软禁」,无法度外出,hō͘伊无法度koh再像过去仝款四界去传福音。这租来当「监狱」ê厝是开放ê,thang接受来访ê人,使徒保罗lóng会利用机会kah来访ê人客谈有关主耶稣ê事,宣扬上帝国度ê信息。Chit两年时间ê租屋费用有可能是罗马教会ê信徒所支持,m̄-koh khah可能是由腓立比教会全力提供,该教会甚至iáu差派以巴弗提去罗马「监狱」服侍使徒保罗(参考腓立比书二:25)。

重新查询 专卷研经 使徒行传系列
错误回报,请联系comm[@]fhl.net