使徒行传 27章1节 到 27章12节   背景资料  上一笔  下一笔
第廿七到廿八章lóng是teh记述有关使徒保罗被押解到罗马去ê海上行程经过,kui个旅程thang讲「旅途非常艰辛」。虽然押解使徒保罗kah其他囚犯到罗马chit chōa旅程开始就不真顺利,m̄-koh tī he样艰辛ê旅程中,却thang看tio̍h上帝ê灵所赐ê平安透过使徒保罗降临到所有kah伊同船ê人身上。这mā是基督教信仰所beh表明ê:即使tī siōng苦难中间,mā有上帝同在、保守ê恩典。

第1节开始就用「阮」chit-ê词,是tùi第廿一章17节后面koh一pái出现,tùi第2节thang看tio̍h kah使徒保罗同行ê有亚里达古kah作者路加。亚里达古就是tī以弗所暴乱中被民众掠去官府ê hit位(参考十九:29)。Teh护送使徒保罗前往耶路撒冷ê人员中,伊mā是成员之一(参考二十:4),chit-má是陪伴使徒保罗上罗马皇帝ê法庭,可见伊是一个真bē-bái ê同工。

第3到6节,这艘载运使徒保罗kah其他囚犯前往罗马ê船顶,有一位罗马军官名叫犹流,伊「宽待保罗」,这可能是因为使徒保罗有罗马公民身分,koh讲,知影伊并m̄是有甚么罪,却是因为宗教信仰ê问题,若m̄是主动beh上诉罗马皇帝法庭,伊早就被tháu放。

第4节提起in「tú-tio̍h逆风」,因为án-ne,犹流决定换船去意大利。

第9到12节,chia讲「已经过禁食ê节期,无适合继续航行」。所谓「禁食节」,是teh指赎罪日,hit工应该是主后59年10月5日。Chia讲「已经过」,真可能是已经延误了大约两、三个礼拜。如果继续航行,必定会tú-tio̍h东北季风ê吹袭。使徒保罗显然知影koh来就无适合航行,因为án-ne,伊提出建议,m̄-koh,伊ê建议无得tio̍h回应。因为犹流相信船长,不接受使徒保罗ê意见。

重新查询 专卷研经 使徒行传系列
错误回报,请联系comm[@]fhl.net