使徒行传 25章13节 到 25章27节   背景资料  上一笔  下一笔
第13到21节,chia说明非斯都一向访ê亚基帕王简单说明伊手上有一宗棘手案子,是前任总督腓力斯留落来未审完ê案件。伊确实有依规定审案过,m̄-koh提告ê一方并无够额ê证据显示被告有罪。伊强调这宗案件是属tī「宗教上ê问题,以及一个名叫耶稣ê人;chit种人已经死去,保罗却讲伊iáu活teh」,因为án-ne,hō͘伊感觉m̄知应该án怎处理。因为罗马政府赋予犹太人有信仰耶和华宗教ê信仰自由,in就不便介入犹太人ê宗教纷争。Chit种观点mā kah彼拉多审理耶稣ê案子本来ê态度仝款(请参考约翰福音十八:31)。Chit位亚基帕王就是第十二章所记载hit位刣死使徒雅各ê希律王ê kiáⁿ,一般称伊为希律亚基帕二世。

第22节,亚基帕王表示家己mā想beh听看使徒保罗ê讲词。

第23到28节,非斯都真聪明,伊用非常排场ê方式取悦亚基帕王,同时mā邀请各城「指挥官kah城里ê显贵」lóng出席chit场审问使徒保罗ê案子,因为有chiah-ê人出席,就等于tī伊审问此案背书仝款。伊mā表示若是使徒保罗坚持beh上诉罗马法庭,伊就一定tio̍h写明诉状内容。问题是伊m̄知应该án怎写chit份报告。

重新查询 专卷研经 使徒行传系列
错误回报,请联系comm[@]fhl.net