这是一段真有意思ê经文；原来腓力斯ê bó͘是犹太cha-bó͘-gín-á土西拉，伊就是第十二章提过ê迫害教会、而且刣死使徒雅各ê希律亚基帕王ê cha-bó͘-kiáⁿ。Tī十五岁ê时chūn就kah伊米撒王亚瑟索结婚，并且要求丈夫接受割礼。

M̄-koh后来koh kah腓力斯结婚，犯了犹太人认为淫乱ê罪。Tùi chia thang了解使徒保罗为甚么会kah腓力斯kah伊bó͘传讲有关耶稣ê信仰之外，koh特别提起有关「良善、节制、将来审判」ê问题。Á腓力斯听了后会感觉「惊惶」不安，lóng kah使徒保罗所传讲ê信息有关。

第26节，tùi chit节thang看tio̍h腓力斯会好款待使徒保罗，并m̄是因为伊比较理智，却是因为伊听tio̍h使徒保罗带外邦教会信徒奉献beh赈济耶路撒冷教会sàn-chhiah信徒ê钱tńg来，认为使徒保罗是一个有钱人原来伊是一个贪财ê人，希望使徒保罗送钱hō͘伊，并m̄是真正想beh听使徒保罗所传福音信息。

第27节，án-ne，使徒保罗被关tī腓力斯ê监狱都无完成审案。原因是腓力斯一直希望使徒保罗用o͘-se方式，chiah tháu放伊，m̄-koh一直到伊ê总督职位被取代，koh想tńg来讨好犹太人，因为án-ne，iáu就kā保罗留tī监狱里。