使徒行传 21章27节 到 21章40节   背景资料  上一笔  下一笔
犹太人有两件事非常坚持:(1)摩西律法ê尊严不容破坏。(2)圣殿ê神圣bē-tàng受tio̍h污秽。Mā为tio̍h beh维护圣地ê神圣,tī正门(东门)入口所在设有一道制限,顶面用三种文字(希伯来文、希腊文、拉丁文)写tio̍h一句话,chit句话是:「任何外邦人进入圣殿遇tio̍h伤害,咎由自取。」这mā是罗马政府为tio̍h安抚犹太人而特别允准hō͘ in犹太人ê宗教自主权。因为án-ne,当使徒保罗tī洁净礼teh beh结束ê时,有「tùi亚细亚省来ê犹太人看见保罗tī圣殿里」,就掠紧chit-ê机会「煽动群众,掠tiâu保罗」,讲伊带希腊人进入圣殿,是故意亵渎圣殿ê神圣。并且koh讲不实,讲使徒保罗「反对以色列人民kah摩西ê律法」,而chiah-ê lóng是雅各hō͘伊ê警语,taⁿchiâⁿ实发生。其实,chiah-ê人就是一直teh chhōe机会beh对使徒保罗下手。

第29节是作者路加ê解释,认为当时chiah-ê人误会了,使徒保罗bat kah以弗所人tī城内,m̄-koh并无带chiah-ê人进入圣殿。结果tāi-chì就án-ne闹大了,耶路撒冷城差不多疯狂暴动起来,特别chit时chūn又koh是五旬节ê节期,人潮真chē。真正会去了解实况ê人无chē,大部分群众lóng是听讲ê。In m̄-nā掠tiâu使徒保罗,而且kā伊拖出圣殿外面,准备ài刣死伊。Iáu好有人向罗马指挥官报告chit-ê tāi-chì,伊chiah派兵kā使徒保罗hō͘羁押起来,群众iáu-koh真乱,只跟tòe大声叫「刣死伊」,chit种情形非常像耶稣被移送到彼拉多法庭审问ê时仝款(参考路加福音廿三:18、20)。

第37到40节,使徒保罗用希腊语向罗马指挥官讲话,伊发见使徒保罗会讲希腊语,就知影伊并m̄是暴徒。因为会讲希腊话ê犹太人并无chē,ná是beh受过正规罗马教育ê人chiah会ê语言,表示有某种程度ê社会地位。原来这指挥官怀疑使徒保罗就是「前些时chūn作乱、率领四千个暴徒往旷野逃去ê hit-ê埃及人」,chit件事约发生tī主后54年,有一个自称是先知ê埃及人,带领四千人ê群众,身上带tio̍h匕首,tùi橄榄山攻入耶路撒冷,伊bat扬言说:当in攻进耶路撒冷城ê时chūn,城门自然会倒塌。M̄-koh,城门m̄-nā无倒塌,反tńg是被罗马总督腓利击退,而且当场被刣死ê人chē达六百gōa名,被掠ê人koh khah chē,有人则逃走避难。犹太人后来知影被骗去,因为án-ne,对tī反抗ê事件采取比较保守ê态度。使徒保罗向chit位指挥官表示家己是tòa tī「大数」ê公民,伊请求指挥官hō͘伊有向群众讲话ê机会,并得tio̍h允准。

重新查询 专卷研经 使徒行传系列
错误回报,请联系comm[@]fhl.net