使徒行传 20章7节 到 20章12节   背景资料  上一笔  下一笔
Ná亲像头前已经有提起过ê,作者路加beh表明ê是tī使徒保罗身上,thang看tio̍h kah彼得仝款ê能力,而彼得是tùi耶稣身上领受了koh活升天chìn前,赏赐hō͘ in圣神ê能力(参考一:8)。

第7到8节,「礼拜六暗时」chit句话提供了一个重要ê讯息:信徒聚会ê时间已经tùi原本安息日tī会堂,改为「礼拜六暗时」à。犹太人算每日ê时间,是tùi下晡六点开始算一工ê开始。安息日是tùi礼拜五下晡六点开始到礼拜六下晡六点止。因为án-ne,所谓「礼拜六暗时」,意思就是过了安息日。而且chia讲tio̍h in聚会ê时间真长,一直到天亮。Mā thang看出使徒保罗tī外面邦地区传道,渐渐发展出kah犹太人聚会时间区隔出来。

第9到12节,chia记载使徒保罗mā有能力hō͘死去ê人koh活起来。作者用这故事teh表达一个信息:只要有圣神同在,即使死去ê人mā会koh活。Chia讲有一个「iáu推古ê少年人坐tī窗口」,因为听福音ê信息到倦tah-tah爱困,结果tùi三楼掉了落去,大家发见伊死去,m̄-koh使徒保罗hō͘这少年人koh活起来。第10节记载使徒保罗ê做法真亲像先知以利亚仆tī死去ê gín-á身上(参考列王记上十七:21),mā kah先知来便利沙ê方式仝款(参考列王记下四:34)。

第11节,chia提起使徒保罗「擘开饼食了」,真可能就是kā犹太人Pôaⁿ过节暗顿改变成做kah耶稣ê性命相连结ê圣餐(参考哥林多前书十一:23—26)。

重新查询 专卷研经 使徒行传系列
错误回报,请联系comm[@]fhl.net