为tio̍h m̄ hō͘使徒保罗kah西拉发生意外，帖撒罗尼迦ê信徒赶紧kā in两人利用半暝送去「庇哩亚」。Á in iáu-koh kah过去仝款，每到一个城市，就会先chhōe犹太人会堂去见证福音ê信息。

第11节，chit节讲庇哩亚人「比帖撒罗尼迦人开明」，chit句话讲出作者路加tī观察信徒ê事有特殊ê眼光。伊特别提起庇哩亚人m̄-nā听使徒保罗传讲信息，koh khah可爱ê所在是「in热心注意听信息，每工查考圣经，beh知影保罗所讲ê是m̄是真实。」

第12节，chit节特别强调福音ê信息tī外面邦地区反tńg真有成果，有社会领袖阶层ê人mā加入了基督信仰ê行列，chit对后来使徒保罗进入雅典、罗马传福音有真大ê鼓励作用。

第13到15节，仝款ê，有人加入，mā有tùi帖撒罗尼迦来ê犹太人闹场，因为án-ne，当地ê信徒留落来西拉kah提摩太，然后护送使徒保罗独自一人去雅典。