使徒行传 16章11节 到 16章15节   背景资料  上一笔  下一笔
Chit段经文提起使徒保罗in来到「腓立比」chit-ê城市。这是马其顿省ê一个重要城镇,mā是罗马帝国辖下ê重要据点,真chē退伍军人khiā起tī此镇。使徒保罗tī马其顿开拓ê第一间教会就tī腓立比。

第13节,thang看出此城犹太人无chē,因为犹太人是凡有结过婚ê十个cha-po͘人就thang成立一个会堂。如果不足十个人,thang成立「祈祷ê所在」。使徒保罗每到一个城镇就chhōe犹太人聚会ê场合,这mā看tio̍h使徒保罗tī外面出传道之初,iáu是用犹太人为主要对象。吕底亚chit位妇女可能是一个富商,chiah有财力贩卖紫色布匹。伊是「tùi推雅推喇城来ê妇人」,可能是嫁hō͘犹太人,对信仰真认真,因为án-ne,上帝「phah开伊ê心,hō͘伊留心注意听」使徒保罗所传讲ê信息,伊kah伊一间ê人lóng领受使徒保罗hō͘ in施行ê洗礼。Tòe后伊邀请使徒保罗等人到in家去,继续传讲福音信息。就án-ne,伊ê全家成做腓立比教会ê第一个受洗ê家庭,并且kā家己ê厝成做传福音ê据点,腓立比教会就是tùi伊ê厝开始,成做欧洲第一间教会。

重新查询 专卷研经 使徒行传系列
错误回报,请联系comm[@]fhl.net