使徒行传 14章8节 到 14章20节   背景资料  上一笔  下一笔
Chit段经文是描述使徒保罗kah巴拿巴tī路司得传福音ê经历。作者路加有意说明tī使徒保罗ê身上thang看见彼得ê影像。使徒保罗充满tio̍h圣神ê能力,ē-tàng医病,hō͘一个「生落来就瘸腿」ê人得tio̍h医。使徒保罗ê医方式kah彼得医hit位生落来就瘸腿ê乞丐ê方式lóng仝款,m̄是用药物,mā无用按手祈祷ê型态,却是用「命令」ê语句。这说明一点:圣神ê能力m̄是用某一个种方式teh表达。只要是来自圣神ê气力,即使是一句话mā ē-tàng显现出力量。结果因为使徒保罗kah巴拿巴行了chit件医ê神迹,被当地民众看做是神明仝款,有一个「宙斯庙ê祭司,牵tio̍h牛,带tio̍h花」beh来向使徒保罗kah巴拿巴献祭。

第14到18节,这是非常重要ê见证,巴拿巴kah使徒保罗随时阻止当地民众做chit款tāi-chì。In kā路司得ê民众讲家己mā是人m̄是神,in只不过是福音ê见证者而已。真正赏赐性命kah万物ê,是创造ê上帝,in ài路司得ê民众认清chit点。M̄-koh显然民众听bē落去,原因是in亲目chiu金金看见使徒保罗kah巴拿巴有能力行神迹,tī in看法中,he是只有神明chiah有ê能力。

第19到20节,发生tī以哥念ê事件,mā tī chia发生,原因是有犹太人特别tùi「彼西底ê安提阿kah以哥念来」,in特别来闹场,使弄民众用石头phah使徒保罗,认为已经phah死去伊,koh kā伊「拖到城外」,这kah谋杀是仝款。M̄-koh上帝庇护伊,hō͘伊tī众人离开,只chhun众门徒「环绕tio̍h伊ê时」,koh醒了过来,khiā起来「行tńg来城里去」。然后kah巴拿巴往「特庇」去。

重新查询 专卷研经 使徒行传系列
错误回报,请联系comm[@]fhl.net