第13节，chit节讲「约翰・马可」tī边á非利亚ê别加离开使徒保罗kah巴拿巴，mā因为chit件事，当第二pái beh koh一pái出去传道ê时，使徒保罗拒绝约翰・马可同行，为tio̍h án-ne事而kah巴拿巴闹分裂（参考十五：37—39）。

第14到15节，in来到彼西底ê安提阿，kah过去仝款lóng是先以犹太人会堂为传福音ê据点，会堂ê主管mā请in传讲圣经ê信息。通常讲信息lóng有事先安排，m̄-koh使徒保罗kah巴拿巴可能因为是人客，mā可能被当做是天使，因为án-ne，临时被邀请上台传讲信息。

Tùi第16节开始，一直到第41节，lóng是使徒保罗ê见证信息。

Tī第16到25节ê chit段经文中，使徒保罗tùi上帝拣选ê祖先开始讲起，包括了进入埃及避难，并且tī埃及壮大，而且行出埃及（第17节）。当行出埃及了后，漂流tī旷野长到「四十年之久」（第18节），然后上帝带领in进入迦南地，hō͘ in祖先tī迦南地khiā落来（第19节）。

第20到22节，chit段经文简略地讲tio̍h经过士师时代到君王ê时期。

第23到25节，chit段tùi上帝ê奴仆先知预言会有「一位救主，就是耶稣」来到，而行洗礼约翰就是为chit位救主耶稣做开路先锋者。