使徒行传 13章1节 到 13章12节   背景资料  上一笔  下一笔
十四章是使徒保罗kah巴拿巴第一pái传道旅行ê记录。这是初代教会第一pái差派人出去传福音,而且值得注意ê是差派in出去传福音ê,是tú成立无jōa久ê安提阿教会,却m̄是耶路撒冷教会。

第1节,chit节提起「安提阿教会中,有几位先知kah教师」。所谓先知,就是teh传达上帝信息ê人。Á教师,是teh指指导人认bat上帝ê话ê老师。亲像使徒保罗kah巴拿巴就是教师。Chit节提起五个人ê名,m̄-koh都无说明这五名ài做甚么事,真有可能是讲这五个人就是当时安提阿教会ê领导团。「安提阿」,这是叙利亚省内ê一个大都市,是罗马帝国统治区内第三个大城,当时人口已经高达五十万人,商业非常发达。

第2到3节,早期教会mā已经有「禁食祈祷」ê信仰生活。这五个人为tio̍h差派ê事工,特别举行「禁食祈祷」。Mā thang看出对chit-ê tāi-chì ê顶真kah重视。当in得tio̍h圣神启示了后,决定差派保罗kah巴拿巴两人去传福音,因为án-ne为in禁食祈祷外,mā「hō͘ in按手」祝福,了后就「派遣in出去」传福音。

第4到5节,chia讲in来到塞浦路斯岛东边一个「撒拉米」ê城市,这是希腊人ê城市,m̄-koh有bē少犹太人khiā起tī chia,约翰・马可mā去协助in。第一pái ê旅行传道就是tùi第4节开始,到第十四章28节结束。

第6到12节,in一阵tùi塞浦路斯岛siōng东边ê「撒拉米」,「行遍全岛,一直到à帕弗」,这是siōng西边ê城市。Tī帕弗tú-tio̍h一个名叫「巴・耶稣ê术士」,chit-ê人「自称是先知」。其实,无人会自称是先知。会án-ne自称ê人,必定是会敛财ê假先知。伊因为认为家己kah总督关系良好,想beh独自传福音hō͘总督,其实,用意是想beh敛财,因为án-ne,当伊听tio̍h总督邀请扫罗kah巴拿巴,想beh「听上帝ê道」ê时,伊就想办法beh阻止chit项事工,结果遇tio̍h被圣神充满ê扫罗谴责,致使目睭失明。这tú好kah扫罗早期迫害教会ê情形仝款,因为hit时伊mā是努力teh阻止人信耶稣。

第9节,chia讲扫罗改称做保罗。扫罗是希伯来话,mā是耶路撒冷教会对伊ê称呼。保罗是希腊语ê称谓,是外邦人教会对伊ê称呼。

第10到11节,使徒保罗诅咒巴・耶稣,hō͘伊目睭chheⁿ-mê。这tú好说明使徒保罗有特殊ê能力,而这能力是来自圣神ê充满。

第12节,chit节讲总督亲目chiu金金看见所发生ê事,就信了耶稣,「成做信徒」。

重新查询 专卷研经 使徒行传系列
错误回报,请联系comm[@]fhl.net