使徒行传 12章12节 到 12章19节   背景资料  上一笔  下一笔
彼得被天使救出来了后,马上到约翰・马可ê老母马利亚家去,chia已经是众信徒聚集ê场所。比较第5节讲in为彼得祈祷,就thang看出当时已经有固定ê祈祷会。Chit位约翰・马可mā是后来kah使徒保罗、巴拿巴去传道ê同工(参考十三:4—5),不过因为伊半途退出,当第二pái使徒保罗beh koh再出去ê时,就拒绝伊加入(参考十五:37—39)。当彼得敲门而来应门ê女婢,一听见彼得ê声音,欢喜到m̄敢相信,mā bē记得为伊开门,就走去kā其他聚会ê信徒讲,大家lóng m̄敢相信he是事实。当大家看见彼得了后,「lóng真惊奇」,然后彼得就tī大家面前做见证,说明「主怎样带伊出了监狱」,mā吩咐in tio̍h「Kā消息kā雅各kah众信徒讲」。Chia ê「雅各」,是teh指耶稣ê兄弟,m̄是门徒。然后伊独自离开众人往其他地区去。

第18节讲警卫一直到天光,beh提讯彼得ê时,chiah发见伊已经无tī监牢里,这下chiah大大惊惶。为tio̍h án-ne希律王koh下令搜查。结果因为查bē-tio̍h彼得ê影迹,愤而处死守卫ê人。Chiah-ê被杀害ê警卫真可能是其它殖民区ê人,因为希律无权杀害罗马兵,第19节讲伊tī chit件事后,就离开犹太去该撒利亚。

重新查询 专卷研经 使徒行传系列
错误回报,请联系comm[@]fhl.net