使徒行传 12章1节 到 12章11节   背景资料  上一笔  下一笔
使徒行传ná亲像一部teh描述早期教会ê受难史,tùi第四章开始,一再提起信徒受tio̍h迫害ê情形。M̄-koh过去ê迫害差不多lóng是来自犹太人宗教领袖,chit-má则来自罗马当局ê迫害,tùi「希律王下手迫害教会ê一kóa会友」án-ne简单ê一句话,所beh说明ê意义已经m̄是小khóa,因为这表示罗马统治当局已经kā基督教信仰定tio̍h「非法ê组织」,看基督徒是扰乱社会治安ê主要分子à。

第1节讲「希律王下手迫害教会ê一kóa会友」,这是teh指希律・亚基帕一世(Herod Agripa I),一般称伊为亚基帕王。伊是tī主后41年上任,主后44年往生,在世ê时,生活非常糜烂。

第2到5节,chia讲希律kā「雅各」杀à。Chit位雅各是门徒之一,mā是耶稣门徒中第一位受难者。Á彼得mā被拘捕,而且准备tī Pôaⁿ过节过了后审问。信耶稣ê人lóng知影,tī苦难中siōng好ê方法就是祈祷。因为án-ne,当彼得被掠ê时chūn,「教会ê兄弟姊妹为tio̍h伊恳切地向上帝祈祷」,这mā是唯一ê方法。

第6到10节,彼得被严密ê看守,m̄-koh,无论人án怎严密看守,只要上帝出手,chiah-ê看守都无用,ná亲像耶稣被埋葬tī坟墓中,mā有罗马士兵teh看守,上帝iáu-koh ē-tàng tùi死亡中hō͘耶稣koh活。chit-má上帝差派「天使」到监狱中「叫醒」彼得,phah开锁tiâu伊ê「铁链」。然后天使ài彼得跟tòe伊行,就án-ne,彼得tùi警卫严密ê监牢中行了出来。连续过了两个警卫关卡,一直到外面ê时,天使chiah离开彼得。这lóng说明tī上帝ê带领下,无论甚么人jōa-ni̍h-á有力量,mā无法度阻挡上帝beh拯救ê对象脱离苦难kah险境。就亲像上帝带领以色列人民行出埃及仝款。

第11节,彼得中真清楚讲出现tī迫害基督徒ê气力,是来自「希律ê手kah犹太人」,m̄-koh上帝ê天使teh保守彼得免受灾害。

重新查询 专卷研经 使徒行传系列
错误回报,请联系comm[@]fhl.net