使徒行传 11章19节 到 11章30节   背景资料  上一笔  下一笔
Chit段经文是真重要ê教会史文献。

第19到21节,koh一pái提起司提反受难殉教ê事件,有kóa学者认为是第七章54节到第八章3节ê重复记事。若是,chia ê记载显然是比较清楚。作者讲信徒teh迫害之下,远行到「腓尼基、塞浦路斯,kah安提阿」等地方。除了向犹太人传福音外,in「mā向希腊人传讲有关主耶稣ê福音」。这mā说明福音ê信息是teh迫害之下扩散到koh khah远、koh khah阔ê地区。因为án-ne,tú-tio̍h迫害ê时,反tńg ē-sái福音事工增长koh khah快。

第22到26节,koh一pái看见耶路撒冷教会已经成做siōng早期教会时代ê中心,kah-ná有「母教会」ê样式。当in听tio̍h福音广传Tī顶面所讲chiah-ê地区,是「有真chē人信了,归向主」,原因是有「主ê能力kah in同在」。因为án-ne,in差派巴拿巴去安提阿访视福音事工发展ê概况。

第23到24节,chia讲巴拿巴到安提阿教会,「看见上帝赐福hō͘ hit-pêng ê人,就真欢喜」,伊mā鼓励众信徒tio̍h「专心一意信靠主」,连伊tī安提阿ê见证,mā bat帮助真chē人。可见大家对福音信息ê渴慕。

Tī第四章36节作者路加就已经绍介过巴拿巴是塞浦路斯ê利未人,名叫约,众使徒叫伊巴拿巴,意思是「鼓励者」。伊卖掉了家己ê一块田地,kā钱the̍h来, 交hō͘使徒。Á tī chia,作者讲伊「是一个好人,被圣神充满,有坚强ê信心」,mā因为伊ê缘故,hō͘真chē人信了主。

第25到26节,chit两节真重要,讲巴拿巴chhōe扫罗当伙伴,同齐tī安提阿投入福音事工。巴拿巴就是绍介扫罗,而且为扫罗作保hō͘耶路撒冷教会(参考九:27)。Chia讲「基督徒」chit-ê名称是tùi安提阿chia开始ê。其实,原本「基督徒」ê名称是带有藐视、戏谑ê含意,m̄-koh mā可能是beh区隔出犹太教徒kah基督徒ê差别。因为罗马政府承认犹太教,并无承认其他宗教信仰,原因是罗马政府当teh推动其统治区ê人民,只有ē-tàng信奉罗马皇帝是in ê神。因为án-ne,当chit-ê「基督徒」名称被定义出来了后,mā是罗马政府加入迫害ê开始。

第27到30节,chia讲有「几个先知tùi耶路撒冷下安提阿去」,表示tī早期教会中mā有先知。这mā teh隐喻早期基督教会就是传承旧约时代,因为án-ne,teh代表旧约传承落来ê,m̄-nā是tī犹太人中间,mā扩散到外邦人地区à。原因是tùi耶稣ê救恩开始,phah破了族群ê界线。Tī几位先知中,只有记落来「亚迦布」chit-ê先知ê名。伊得tio̍h圣神启示,讲「天下kā有严重ê饥荒」,后来chit件事果然发生,就是tī主后「克劳第」当罗马皇帝年间,而伊是tī主后41到54年期间执政,发生过粮食欠缺ê灾难。因为án-ne,安提阿教会ê信徒lóng踊跃捐输,然后kā所捐出来ê款项托扫罗kah巴拿巴带去耶路撒冷。后来,使徒保罗(就是扫罗)无论gōa chē传福音,lóng会鼓励当地ê信徒同齐关心耶路撒冷教会贫困信徒ê需要(参考哥林多前书十六:1—3,哥林多后书八:1—4、九:1—2)。伊希望藉tio̍h chit种ê疼,ē-tàng hō͘耶路撒冷教会ê信徒感受tio̍h外邦教会信徒ê疼,而认同in、接纳in,hō͘以犹太人做中心ê耶路撒冷教会,kah以外邦人做中心ê安提阿教会,有一个美好ê连结。

重新查询 专卷研经 使徒行传系列
错误回报,请联系comm[@]fhl.net