使徒行传 10章1节 到 10章33节   背景资料  上一笔  下一笔
Chia特别提起罗马军官哥尼流是一个「虔诚 ê人」,并且是「一厝内人lóng敬畏上帝,常常慷慨赈济sàn-chhiah ê犹太人」,chit位罗马军官真亲像路加福音第七章所描述hit位疼犹太人ê罗马军官。Tùi chia ē-tàng看出当时统治犹太人ê罗马政府,mā有好ê罗马军官,对犹太人非常友善。其实,这mā是作者路加写福音书kah使徒行传ê特色,伊真会挖掘外邦人ê好处,亲像伊tī福音书中ê时常描述撒马利亚人ê优点。该撒利亚城,这是为tio̍h beh记念罗马皇帝奥古斯都而号名ê,差不多纯粹是一个罗马人khiā起ê城市。Tī头前有提过腓利tī chia有好ê见证。

第3到8节,chit段经文是chit位罗马军官哥尼流tī祈祷中,忽然有天使出现对伊讲话,ài伊派人到约帕去请彼得来。作者路加tī chia讲上帝mā会听「敬虔」ê「外邦人」ê祈祷(参考约翰福音九:31)。就án-ne哥尼流就派「两个家仆和平常服侍伊ê一个敬虔ê侍卫」,同齐去约帕请彼得来该撒利亚。

第9到16节,chit段经文是描述彼得怎样得tio̍h上帝ê启示。上帝启示彼得ê方式真特别,hō͘伊连续三pái看见一堆食物,chiah-ê食物有「各种飞禽行兽,koh有爬虫」,真chē是犹太人传统生活上认为「无清气」ê物件,m̄-koh上帝却ài伊食落去。彼得表示从来m̄食chiah-ê无清气ê物件。所谓无清气ê物件,是根据利未记第十一章所记载,甚么物件是洁净thang食,甚么物件是无清气bē-tàng食用。

第15节是chit-ê启示ê中心主题:「上帝认为洁净ê,你bē-tàng当做污秽。」人常常kā上帝创造ê物件分做「好」kah「pháiⁿ」,而所根据ê标准往往是kah人ê需要之chē少有关,而且chit种标准mā受tio̍h人ê价值观念影响,却常常bē记得万物是tùi上帝来奇妙ê创造。创世记teh描述上帝创造每仝款物件了后,lóng会讲一句话:「上帝看⋯⋯是好ê。」上帝看做好ê,人kā它分做「好」kah「pháiⁿ」,这就有问题à。

第17到33节,chit段经文讲出上帝奇妙ê作为。他透过天使去启示哥尼流派人去邀请彼得,另外一方面是透过tùi天顶降落ê食物,hō͘彼得知影tī上帝眼中,每一个人lóng是他所疼惜ê子民,lóng需要福音信息ê滋润。就án-ne,彼得决定tio̍h kah哥尼流ê奴仆去该撒利亚哥尼流ê厝,传福音hō͘哥尼流听。因为这就是上帝beh伊做ê福音事工,m̄-nā彼得家己去,tī约帕mā有六个信徒kah彼得同齐前往。

第25到26节,哥尼流虽然贵为罗马统治者,m̄-koh看见彼得ê时,却谦卑到坦覆 (thán-phak)tī伊脚前,彼得连忙扶伊起来。然后哥尼流说明邀请彼得来ê原因。

第27到29节,彼得看见哥尼流厝里已经有真chē人teh-thèng候à。这表示彼得chit chōa之旅,等于tī该撒利亚传福音hō͘众人听仝款。

第30到33节,哥尼流mā说明伊亲身ê境遇,看见上帝ê天使出现tī伊面前,ài伊去请彼得来伊ê厝。然后表示tī in tau ê人lóng是准备ài听彼得传讲福音ê人。

重新查询 专卷研经 使徒行传系列
错误回报,请联系comm[@]fhl.net