Chit段经文是使徒行传ê序言。作者先说明写此史册ê目的，就是beh绍介众使徒如何在圣神充满之下，到各地去传福音，见证耶稣koh活信息ê脚迹。

第1到2节，chia讲tio̍h作者「所写ê第一部册」，指ê就是路加福音。Tī该福音书中有详细记载耶稣出来传福音到死而koh活了后，lóng有「藉tio̍h圣神ê气力」hō͘他ê门徒真chē指示。

第3节，chit节thang对照使徒保罗所写ê哥林多前书第十五章5 到8节，讲koh活ê耶稣hō͘真chē人看过。

第4到5节，作者路加讲耶稣交带门徒「mài离开耶路撒冷」，kah路加福音第廿四章47节，以及第52节等等，lóng thang看出作者认为耶路撒冷乃是传开福音ê中心地点。并且认为耶稣ê门徒ê行洗礼，会带有圣神ê气力。