列王纪下 5章20节 到 5章27节   背景资料  上一笔  下一笔
Chit段经文描述以利沙ê奴仆基哈西,因为不诚实、贪婪,结果原本tī乃幔将军身上ê癞ko就转移到伊ê身上,m̄-nā án-ne,先知iáu讲这癞ko会传到下一代ê身上。

第19节b句到22节,基哈西认为伊ê主人以利沙拒绝乃幔将军ê酬劳,是错误ê。因为án-ne,伊决定暗地里跟tòe 乃幔将军去,beh向伊索取酬劳。M̄-koh伊对乃幔将军讲白贼,讲是伊ê主人以利沙派伊去为两个tùi以法莲山区来ê先知ê需要,希望有「三千块银á kah两套衫裤」。虽然chit种数量比起乃幔将军原本准备beh送hō͘以利沙ê「三万块银á,六千块金子,kah十套衫裤」少了真chē,m̄-koh基本上,基哈西chit种行为就是欺骗、贪财。

第23到24节,乃幔将军无多问,á是讲甚么,伊就直接the̍h出比基哈西所讲ê「三千块银á」多一倍ê「六千块银á」,khǹg tī两个袋子中,以及两套衫裤,叫家己ê奴仆扛tio̍h kah基哈西tńg去。

第25到27节,上帝ê奴仆以利沙当然知影chit件事。因为上帝ê灵会启示伊,hō͘伊知影奴仆基哈西暗中所做非法而且欺骗ê事。Koh khah严重ê,是当以利沙问基哈西去做kóa甚么事ê时,若是基哈西赶紧悔改认罪,有可能iáu有机会得tio̍h赦免。M̄-koh伊却iáu认为以利沙m̄知实情,一再讲白贼。结果hō͘伊ê主人以利沙诅咒,基哈西家己kah后代kiáⁿ孙lóng会得tio̍h癞ko病,这是严重惩罚,因为基哈西kah主人以利沙lóng是上帝ê奴仆,就一定tio̍h绝对诚实,若无,上帝ê惩罚是严重ê。


重新查询 专卷研经 列王纪下系列
错误回报,请联系comm[@]fhl.net