Chit段经文讲述所罗门确实是一个真遵守摩西律法规章ê君王。

第11节，所罗门为伊所娶ê埃及王cha-bó͘-kiáⁿ之bó͘，安置tī伊所兴建ê王宫后面，伊为这王后兴建了特别ê寝宫（参考列王记上七：8）。历代志作者讲这是所罗门为tio̍h hō͘圣殿ê约柜bē受tio̍h污秽影响，而会有chit种看法，真可能是因为所罗门无要求chit位埃及王ê cha-bó͘-kiáⁿ，归向上帝，却是伊要求所罗门为伊建造偶像祭坛，thang hō͘伊tī王宫里mā thang祭拜，chit点tùi列王记上第十一章1到8节ê记事thang看出来。

第12到15节，chit段经文讲所罗门lóng按照规矩献祭、敬拜上帝，而所有in老父大卫王所规定落来有关圣殿敬拜礼仪，伊lóng全部遵守。

第16节，chit节讲所罗门完成了伊计画中所有ê重大工程。

第17到18节，所罗门进一步请希兰王替以色列组成一支海上运输船队，当做扩展海上贸易ê需要。伊tī以东地区ê阿卡巴湾海岸建立两个港口，请希兰王替伊训练航海人员，结果thàn tńg来了大约有一万五千公斤ê金子。Thang算是成功ê海上贸易。