历代志下 6章1节 到 6章11节   背景资料  上一笔  下一笔
Chit章是圣殿完成举行奉献礼仪ê时,所罗门对以色列人民讲劝勉ê话(第1到11节)。另外一部分是所罗门代表全体以色列人民献上祈祷(第12到42节)。

Chit段经文是所罗门对全体以色列人民所册ê训词。仝款ê记事mā记载在列王上第八章12到21节。

第1到2节,chit两节祈祷词若是khǹg tī第13节chìn前会比较畅顺。所罗门表示伊已经为上帝建造「一座庄严ê殿宇,做你永远khiā起ê场所」。不过,ná亲像先知以赛亚所讲ê,天,是上帝ê宝座;地,是上帝ê脚凳,有甚么人ē-tàng为上帝建造chit种殿宇hō͘上帝khiā起,原因是kui个宇宙lóng是上帝亲手所造ê(参考以赛亚书六十六:1—2)。因为án-ne,所罗门只不过teh表达一个心愿:建造一座thang荣耀上帝ê圣殿。

第3到6节,chit段经文是所罗门带领以色列人民说明建造圣殿ê缘由。Tī chia伊提起tùi上帝带领以色列人出埃及,直到chit-má选择耶路撒冷做建造敬拜ê殿宇,以及拣选大卫当以色列人民ê领导者,其中lóng有上帝ê旨意。

第7到9节,chit段经文真清楚表示,kui个建造圣殿ê计画,是出tī大卫王ê手,m̄-koh上帝讲beh由大卫王ê kiáⁿ来完成chit项建造ê工程。这表示所罗门确实是照上帝ê旨意完成chit件工程。

第10到11节,所罗门表示tùi伊接掌王位到建造敬拜上帝ê圣殿,以及kā约柜安置tī圣殿中,以及kā kah上帝立约ê诫命石版khǹg tī约柜内面,chiah-ê工作lóng照上帝ê旨意完成。

所罗门讲chiah-ê话,等于teh向全国人民宣告,伊确实是照上帝ê旨意做tāi-chì,mā完成了老父大卫王ê遗言。Koh讲,这mā同时teh宣告,耶路撒冷tùi án-ne 会成做以色列人民敬拜上帝ê中心。

重新查询 专卷研经 历代志下系列
错误回报,请联系comm[@]fhl.net