历代志下 6章12节 到 6章42节   背景资料  上一笔  下一笔
Chit段是所罗门带领以色列人民向上帝奉献圣殿ê祈祷文。Chit段经文mā同时记载在列王纪上第八章22到53节。比较特别ê是tī第13节,这是历代志特有ê资料,在列王纪并无此节ê记事。第13节讲所罗门khiā tī一个特制ê铜台顶,hō͘人民thang看见tio̍h伊khiā tī高处,带领in向上帝祈祷。这并m̄是讲伊扮演祭司ê角色,却是用一国之君,带领人民感谢上帝。

Kui个奉献圣殿ê礼仪siōng主要ê内容就是祈祷,chit点对以色列人民tī信仰上ê意义是特别ê,因为祈祷乃是teh kah上帝对话。如果无kah上帝对话,则即使奉献koh再好ê祭品mā是枉然。Kah上帝对话,即使无任何献祭ê物件,mā是表明人kah上帝之间ê关系是亲密ê。Kui个礼仪ê内容充分表明以色列人民kah上帝之间ê密切关系是bē-tàng分。

第12到13节,chit两节经文讲所罗门khiā tī一个用铜板打造ê高高平台顶,hō͘以色列人民lóng thang看见伊跪落来并举起双手,带领in向上帝祈祷。

第14到17节,chit段经文是伊向上帝献上感恩,称颂上帝是信实ê,并且相信上帝会hō͘遵守上主律法ê大卫后代继续作以色列人民ê王。

第18到21节,伊祈求上帝日夜看守这圣殿,当以色列人民面向这圣殿á是tī chit圣殿祈祷ê时,恳求上帝会垂听,并且赦免in所犯ê罪过。

第22到23节,若是以色列人民之间有纠纷,恳求上帝成做公正ê审判者。

第24到25节,如果以色列人民因为得罪致使上帝用敌人来phah败in ê时,若是以色列人民知影回心转意归向上帝,恳求上帝会赦免、赦免in ê罪过。

第26到27节,若是得罪上帝致使上帝用干旱来惩罚ê时,in醒悟过来而知影悔改,恳求上帝赦免in,帮助、教导in知影怎样行正直ê道路。

第28到31节,假使以色列人民因为tú-tio̍h各种大灾祸,包括饥荒、瘟疫、旱风、霉烂、草蜢、草蜢á、疾病等等,in已经Tī痛苦中恳求上帝怜悯、赦免ê时,恳求上帝按照in该受tio̍h ê待遇惩罚in,án-ne in就会知影tio̍h敬畏上帝。

第32到33节,若是有外族人因为仰慕上帝而来这圣殿祈祷,祈求上帝mā垂听,án-ne,全世界ê人lóng会知影学习以色列人民敬拜上帝。

第34到35节,若是以色列人民因为上帝ê命令而上战场,面向上帝ê圣殿祈祷ê时,恳求上帝hō͘ in ē-tàng phah赢。

第36到39节,假使in因为得罪上帝而phah败仗,结果被敌人俘掠到外邦去,无论in被掠到tó位,只要知影悔改认罪,恳求上帝ē-tàng垂怜in,赦免in ê罪。

第40到42节,chit段是结语,希望上帝bē遗弃以色列人民。

Tī chit篇祈祷文中,所罗门一再重复强调以色列人民,á是外族人,只要是向(ǹg)耶路撒冷圣殿祈祷,恳求上帝会垂怜注意听,这teh表示圣殿就是上帝khiā起ê神圣ê所在。

重新查询 专卷研经 历代志下系列
错误回报,请联系comm[@]fhl.net