历代志下 5章1节 到 5章14节   背景资料  上一笔  下一笔
第五到七章是描述所罗门奉献圣殿ê经过。作者用án-ne长ê篇幅,描述kui个圣殿奉献礼ê经过,主要tī说明所罗门kā敬拜上帝看做是siōng重要ê,因为建造圣殿ê主要目的就是为tio̍h敬拜上帝。

第五章主要tī说明圣殿完工后,所罗门kā khǹg tī大卫王所准备ê新圣幕里ê约柜移到完工落成ê圣殿安置。因为有大卫王第一pái移动约柜发生ê意外,致使乌撒意外死去(历代志上十三:9—10),chit pái格外小心。

第1节,「所罗门王完成圣殿ê一切工程」,而且所罗门koh kā大卫王「献hō͘上主ê金子银á kah其他器物lóng khǹg tī圣殿ê库房里」,chit句话mā说明建造圣殿ê钱m̄-nā够额,甚至有chhun thang存入圣殿ê库房里。原因是历代志上第廿九章1到9节记载,全体以色列人民lóng有奉献参与建造圣殿ê需要。大家lóng the̍h出来奉献,结果有chhun。

Koh讲,照列王记上第六章37到38节ê记载,圣殿奠基是Tī所罗门做王ê第四年二月,完工是tī第十一年八月,án-ne算来,建造圣殿前后用去七年半时间。

第2到3节,chit-má beh kā约柜tùi原本khǹg tī锡安ê圣幕移往圣殿,所罗门召集所有ê以色列长老kah各支族各宗族ê族长到耶路撒冷,时间就选定tī七月Tòa棚节ê节期,这原本就是以色列民族ê大节期。因为án-ne thang知,并m̄是完工后马上就举行圣殿奉献kah移动约柜入圣殿ê大典,却是等到隔年七月Tòa棚节ê时chiah举行。

第4到9节,chit段经文讲述得真清楚,扛约柜ê是利未人,然后祭司kah利未人kā圣幕理ê物件,kah一切用具lóng搬进圣殿。所罗门kah所有以色列人民lóng热烈奉献。Tī圣殿里ê至圣所,约柜顶有基路伯作盖子,而基路伯身上有翼股真大,kā扛约柜ê杠子lóng遮盖起来。

第10节,chit节特别说明约柜内面,只有放tio̍h两块摩西当年tī西奈山上tùi上帝hia领受tio̍h ê诫命石版。M̄-koh后来希伯来书第九章4节,讲约柜内面除了十诫ê两块石版外,iáu有放tio̍h盛吗哪ê金罐子,koh有亚伦ná根发过芽ê拐á。希伯来书ê作者会án-ne写,真可能kah出埃及记第十六章33到34节,以及民数记第十七章6到11节ê资料有关系。chit-má chia讲只有两块刻tio̍h诫命ê石版,其他物件无tīà。有一种讲法,认为可能是因为当年约柜被非利士人抢去(参考撒母耳记上四:10—11)ê时chūn被偷the̍hà。M̄-koh chit种讲法无甚么根据。

第11到14节,chit段经文讲利未人祭司等,lóng真慎重地准备tī圣殿里ê服事工作,包括洁净家己,以及穿好衫裤,并kā in负担ê工作lóng按照规矩办理。

Chia讲「云彩充满圣殿,闪耀tio̍h上主ê光辉」,chit句话已经tī说明上帝降临在圣殿中,chiah会致使祭司无法度继续主持礼拜,原因是in ê目睭无法度thí开。因为上帝出现ê光辉闪耀tio̍h。

重新查询 专卷研经 历代志下系列
错误回报,请联系comm[@]fhl.net