Chit段经文记载耶路撒冷被攻陷，圣殿被烧毁，犹太人被掠到巴比伦去，犹大国就此灭亡，这是主前586年。另外一段记载波斯帝国消灭巴比伦帝国，这是主前538年ê事。波斯帝国皇帝塞鲁士tháu放所有被掠到巴比伦ê以色列人民回乡。

    第13到16节，原本西底家就bat chiù-chōa beh效忠巴比伦帝国ê，m̄-koh因为伊听信身边幕僚错误ê判断，认为背叛巴比伦会hō͘伊tī人民中间koh-khah有权威。照历代志作者ê见解，其实，上帝早就透过巴比伦来惩罚西底家，因为伊固执m̄肯悔改归向上帝。理由就是第14到16节所讲ê，in m̄-nā m̄肯悔改，iáu嘲（sau）笑上帝ê奴仆对in ê劝勉，上帝只好用chit种方式来教示西底家kah犹大人民。

第17到19节，说明巴比伦王尼布甲尼撒残酷ê一面，对tī任何犹大人民lóng m̄怜悯á是同情。伊kā圣殿kah王宫，以及所有官员ê财宝lóng洗劫一空，全部带到巴比伦去，伊m̄-nā烧毁了圣殿，mā摧毁了耶路撒冷城墙。

第20到21节，巴比伦王尼布甲尼撒koh khah进一步kā战后余生ê人，全部lóng掠到巴比伦去做奴隶。Tùi主前586年开始，直到主前538年波斯帝国兴起，phah败巴比伦chiah停止。

第22到23节，chit两节经文应该是历代志ê「后记」。真简单地绍介波斯帝国兴起取代了巴比伦帝国，而且波斯帝国ē-sái讲是kah巴比伦帝国非常无仝；前者残酷对待以色列人民，后者则好款待，并且iáu允准in tńg去故乡重建家园。Chiah-ê事lóng记载tī以斯拉记、尼希米记等册上。另外mā thang tùi以斯帖记、但以理书中看tio̍h一kóa以色列人民tī波斯帝国统治下ê生活景况。