历代志下 34章1节 到 34章18节   背景资料  上一笔  下一笔
Tùi第三十四到三十五chit两章,lóng是记载有关约西亚王ê事迹。无论tùi toh方面看,约西亚lóng是犹大王国中,值得记念ê一位君王,mā是一位成功ê领导者。列王记下第廿三章25节甚至án-ne描讲述:「tī伊以前,无一个王像伊hit种尽心、尽意、尽力地事奉上主,遵行摩西所颁布ê律法;tī伊以后,mā无一个王像伊hit种。」连先知耶利米lóng hō͘ in真好ê评价(参考耶利米书廿二:15—16)。

Chit段经文绍介约西亚起来执政ê时,虽然iáu真年轻,m̄-koh因为身边辅佐ê大臣lóng真有智慧,帮助伊积极推动铲除所有ê异教神明之祭坛kah神庙、偶像等,带领人民tńg来敬拜上帝。Koh khah重要ê,伊派人洁净圣殿,mā因为án-ne tī洁净圣殿ê时,意外地发见了律法册,chit对kui个改革信仰运动带来极大ê助力,这mā是约西亚成功ê所在。

第1到2节,短短两节,却是真重要ê踏话头。Chia讲约西亚开始继位是八岁ê时chūn,he表示伊根本无法度料理国政,m̄-koh伊却thang「做上主认为对ê事,效法先祖大卫王ê模样」、「遵行上帝一切ê律法」等,这lóng tī说明伊ê身边有真好ê幕僚帮助伊认bat上帝ê约,hō͘伊知影重要ê事,就是清除偶像神明,带领人民tńg来到上帝ê教示,听从上帝ê旨意。Chiah-ê重要幕僚包括先知、祭司lóng在内。Tī chit段ê时期中出现ê先知有耶利米、哈巴谷、以西结等人。In三人中间,先知哈巴谷ê时代背景比较欠缺。约西亚执政长到三十一年,这是tī主前640到609年。

第3到7节,chit段经文讲伊tī经过八年后,mā就是伊十六岁ê时,就在身边重臣辅佐之下,tī伊二十岁ê时就真积极推动宗教改革ê事,m̄-nā大力铲除所有ê偶像神明,甚至处罚hiah-ê祭拜偶像神明ê人,特别是偶像神明ê祭司,lóng kā in处死刑。M̄-nā án-ne,koh kā北国以色列一kóa城镇ê偶像神明全lóng烧毁。换句话讲,伊是只要有以色列民族khiā起ê所在,伊lóng会想出所有ê办法带领in重头tńg来上帝ê怀抱。

值得注意ê是第6节,chit节讲chit项改革推到「北pêng ê拿弗他利等被蹂躏过ê所在」,这表示亚述帝国对伊ê改革hō͘ in同意权?á是hit时chūn ê亚述帝国ê国势已经衰微,致使无法度干涉约西亚改革ê工作?lóng有可能,不过以后者ê可能性比较高。

第8到9节,除了大力铲除偶像神明外,伊iáu差派三个重要领袖去重修耶路撒冷圣殿,这三人就是:亚萨利雅ê kiáⁿ沙番、耶路撒冷市长玛西雅,kah约哈斯ê kiáⁿ约亚史官等。整修圣殿ê钱,就是tùi人民奉献到圣殿ê钱,the̍h出来交hō͘ chiah-ê负责修圣殿ê领袖。

第10到13节,chit三个人就kā钱交hō͘负责修筑圣殿ê工人,而且chiah-ê修筑ê工人lóng是非常可靠ê,大家lóng尽忠于所受托ê工作,因为约西亚mā是一个忠心tī上帝ê国王。

第14到18节,当大祭司负责监督修建圣殿ê时,tī圣殿ê库房里发见了「上主ê律法册,就是上帝hō͘摩西ê律法册」,这不得à。伊赶紧the̍h hō͘沙番看。沙番真紧kā chit-ê律法册带到约西亚王hia,大声朗诵律法书记载ê hō͘王听。

重新查询 专卷研经 历代志下系列
错误回报,请联系comm[@]fhl.net