历代志下 33章1节 到 33章9节   背景资料  上一笔  下一笔
Chit章记载希西家ê kiáⁿ玛拿西继承王位后施政ê情形。伊统治总共长到五十五年,就是主前697到642年,是南国犹大在位siōng长ê一位君王,m̄-koh mā是siōng恶质ê一位君王,比伊ê祖先亚哈斯所做上帝看做邪恶ê事iáu koh khah严重。因为玛拿西严重到「Kā偶像khǹg tī圣殿内面」,这是用往ê王所m̄敢做ê事,即使是伊ê阿公亚哈斯mā bat「Kā家己ê kiáⁿ当烧化祭献hō͘偶像,仿效本来住民ê 可恶行为」(参考历代志下廿八:3),m̄-koh iáu bē致使像玛拿西hit种斗胆地「Kā偶像khǹg tī圣殿内面」。因为án-ne,历代志作者用「玛拿西领犹大人民犯罪,比上主tùi伊子民头前赶出去ê本来住民所犯ê罪iáu koh khah严重」chit句话来形容伊ê恶质行踏。Á列王记ê作者讲伊「mā刣死真chē无辜ê人民,hō͘耶路撒冷ê街路流满血」(参考列王记下廿一:16)。传说中,先知以赛亚就是hō͘伊凌虐致死ê,甚至讲南国犹大ê灭亡lóng kah上帝无法度赦免伊所犯ê罪过有密切关系(参考列王记下廿四:4)。后来先知运动中就以「玛拿西tī耶路撒冷ê恶行」chit句话,形容上帝必定降落灾难惩罚违背他旨意ê子民(参考耶利米书十五:4)。

Chit段经文真详细地描述玛拿西继任in老父希西家王位了后,并无依循老父留落来ê模样,反tńg是做出kah in老父南辕北辙ê行为;in老父希西家对上帝忠实,玛拿西却是一再悖逆上帝ê教导,甚至恶质到kā家己ê kiáⁿ当做牲祭烧献hō͘巴力神明。Koh khah严重ê,是圣殿里造异教神明ê祭坛,chit点koh khah hō͘上帝无法度赦免。因为án-ne,决定beh hō͘犹大人民被外敌驱离chit块上帝赏赐hō͘ in khiā起ê土地。

第1到2节,chia讲玛拿西tī十二岁继任为王,而且长到五十五年之久,ē-sái讲是全以色列民族中间,执掌王权ê时间无论北国以色列á是南国犹大,lóng是siōng久长ê一位。

第3到6节,chit段经文详述了玛拿西所犯上帝非常讨厌ê事,包括伊kā老父希西家拆毁ê偶像神明祭坛全lóng重新建造起来,而且iáu tī圣殿内面khǹg偶像神明ê祭坛,刣死家己ê kiáⁿ献hō͘神明,信奉占卜、巫术、求问算命ê等等,凡是迦南人所有ê宗教行为伊lóng照单全收。因为án-ne,上帝非常受气。

第7到9节,chit段经文讲述上帝怎样回应玛拿西tī圣殿设置偶像神明kah祭坛ê事,强调因为伊chit种行为,上帝一定会kā犹大人民驱离chit块上帝赏赐hō͘ in khiā起ê土地。

重新查询 专卷研经 历代志下系列
错误回报,请联系comm[@]fhl.net