历代志下 33章10节 到 33章25节   背景资料  上一笔  下一笔
Chit段经文除了提起玛拿西tī被亚述帝国侵犯ê时,被掠去巴比伦后,chiah知影悔改。然后记载伊结束统治ê事,以及简短ê叙述伊ê kiáⁿ亚们继任王位ê事迹。

第10到13节,tùi第10到17节ê chit段经文是历代志特有之资料。Tī第10到13节ê chit段经文,讲玛拿西因为不听从上帝ê警告,就án-ne上帝hō͘亚述帝国来侵犯犹大,并且kā伊phah败koh俘掳了伊,并kā伊带去巴比伦。会带去巴比伦,真可能hit时是巴比伦iáu是一个小国,是亚述属下ê辖区。玛拿西被用「钩子」kah「铜链」带到巴比伦,ē-sái讲是非常痛苦ê虐待。就tī苦难中,伊悔改。知影是因为弃sak上帝而带来ê结果。因为án-ne,伊谦卑落来认罪。上帝垂听伊祈求ê声音,hō͘伊会得thang tńg去耶路撒冷,继续统治犹大。

第14到15节,当伊tńg去耶路撒冷了后,就开始积极修建防御工事,m̄-nā kā城墙加高,mā tī chit防卫城镇加派驻军。Koh khah重要ê,伊同时拆毁了过去家己所建造ê偶像神明kah祭坛,伊扔掉了chiah-ê偶像神明。

第16到17节,另外一方面,伊mā恢复到耶路撒冷圣殿敬拜上帝,并且命令犹大人民lóng一定tio̍h敬拜以色列ê上帝,而且只有ē-tàng献祭hō͘耶和华上帝。Án-ne讲起来,伊确实是有真大ê改变。可惜ê是,历代志ê chit-ê资料,在列王纪完全欠缺,致使无法度对照。

第18到20节,chit段经文记载玛拿西结束统治长到五十五年时间。伊十二岁继位,往生ê时六十七岁。由伊ê kiáⁿ亚们继承王位。 
   
第21到25节,亚们登基继承老父玛拿西当犹大国王,是tī主前642年,hit时伊「二十二岁」,只有统治短短两年时间,到640年就结束loh。Kah伊ê老父玛拿西执政五十五年相比,伊显然是极大ê cheng差。M̄-koh Tī chit两年中,伊并无tùi in老父玛拿西晚年忏悔ê经验得tio̍h教示,却是kah in老父玛拿西早年带领人民敬拜偶像神明仝款,弃sak了上帝。历代志作者tī chia,讲伊所做ê甚至是比in老父玛拿西iáu koh khah严重。结果伊ê臣仆起来反叛伊,kā伊刺杀死,立伊ê kiáⁿ约西亚继承王位。

重新查询 专卷研经 历代志下系列
错误回报,请联系comm[@]fhl.net