历代志下 32章24节 到 32章33节   背景资料  上一笔  下一笔
Chit段经文谈了三件事:一是希西家王后来因病teh要死去,上帝怜悯伊,koh hō͘伊康复起来(第24到26节);koh讲,希西家mā可能因为siuⁿ过骄傲而bē记得上帝赏赐hō͘伊ê一切,向巴比伦使者展宝所有ê一切(第27到31节);tī统治廿九年了后,希西家结束在世间五十四年ê性命旅程(第32到33节)。

第24到26节,chit段经文非常简略,仝款ê记事mā记载在列王纪下第二十章1到11节;以赛亚书第三十八章1到6节等等处经文。

Chia只有讲希西家害病强强beh死去,伊祈祷,上帝就hō͘伊康复起来。M̄-koh在列王纪kah以赛亚书lóng有说明是上帝差派先知以赛亚去传达信息hō͘伊,并且答应hō͘伊多活十五年岁月。M̄-koh希西家怀疑chit种信息,因为án-ne,先知以赛亚hō͘伊坚定信心ê兆头。就是hō͘日影倒退十个台阶。果然án-ne。不过,历代志作者tī chia特别强调讲,希西家tī康复起来了后,bē记得上帝ê恩典,骄傲,无感谢上帝为伊所做ê,结果hō͘犹大人民kah耶路撒冷遇tio̍h灾祸。可惜chia并无指明是甚么灾祸发生。

第27到31节,chit段经文说明希西家成功ê所在,kah伊所有ê财富。作者有意思beh kā希西家类比所罗门王。仝款强调伊所有ê这一切,lóng是上帝赏赐hō͘伊ê。甚至伊治国成功mā引起了巴比伦帝国ê注意,特别差派使者来访问。照列王记下第二十章12到19节,以及以赛亚书第三十九章ê记载,lóng强调讲巴比伦差派特使来探望希西家,是beh窥探犹大国防ê虚实,m̄-koh希西家不查,只知影展宝财富,结果就因为án-ne,hō͘巴比伦帝国有准备入侵犹大ê机会。这mā是历代志作者tī chit第31节所讲ê,tī巴比伦特使来访ê chit件事顶面,上帝beh hō͘希西家家己处理,为tio̍h是beh考验伊ê品格。意思是teh指beh看希西家是m̄是会谦卑。可惜,伊无。

第32到33节,chia提供了一个无流传落来ê史料,就是「以赛亚ê异象册」。当希西家往生后,伊被埋葬tī王室坟墓内比较重要ê位置,犹大kah耶路撒冷人民用chit种方室来表示对伊ê怀念kah尊崇。伊死后,kiáⁿ玛拿西继位为王。

重新查询 专卷研经 历代志下系列
错误回报,请联系comm[@]fhl.net