历代志下 30章1节 到 30章12节   背景资料  上一笔  下一笔
Chit章thang看tio̍h已经荒废了许久ê Pôaⁿ过节,tī希西家执政ê时代koh一pái重新出现,mā ē-sái讲是tùi所罗门以后,第一pái「以色列人民」án-ne慎重地举行Pôaⁿ过节(第26节)。

Pôaⁿ过节,chit对以色列民族来讲有非常ê意义,因为he是表明in tùi奴隶ê生活环境中得tio̍h脱离,有上帝带领in出埃及之性命重新koh再造、koh活ê意义。Taⁿ,重新举行守Pôaⁿ过节,就是beh表明上帝chiah是in性命ê主。特别是tī希西家深知in老父亚哈斯时代,悖逆上帝ê行为之严重性,是连圣殿lóng封闭起来。因为án-ne,希西家重新带领犹大人民守Pôaⁿ过节,所表明ê信仰kah性命ê意意,就koh khah清楚à。

Chit段经文讲希西家m̄-nā是带领犹大人民重新tńg来到敬拜上帝ê信仰告白,伊mā同时发信hō͘北部所有以色列同胞来kah伊同齐敬拜上帝。伊派人kā这信发hō͘玛拿西、以法莲、亚设、西布伦等地区ê以色列人民听tio̍h chit-ê消息,lóng用讥笑ê口吻回覆chiah-ê信差。M̄-koh犹大人民iáu是仝款坚定ê心,beh跟tòe希西家敬拜上帝。

第1到4节,chit段经文讲希西家同意kā举行Pôaⁿ过节ê庆典延迟一个月,原因是祭司iáu未完全洁净家己,而且iáu有真chē犹大人民无来圣殿朝圣过。因为án-ne,大家lóng同意先kā chiah-ê无完美ê事lóng补足了,chiah来举行全国性ê Pôaⁿ过节庆典。

第5节,这是非常特别ê一节经文。Chit节讲希西家m̄-nā命令犹大人民洁净,准备ài守Pôaⁿ过节,而且是广发邀请函hō͘北部支族ê同胞,请in同齐到耶路撒冷来参加这已经真久无遵守ê Pôaⁿ过节。

第6到9节,chit段经文是邀请函ê内容。

Chit句「Lín是tī亚述王来侵ê时幸免tī难ê人」,已经teh表明当时北国以色列已经沦亡了,chiah-ê「幸免tī难ê人」,就是无受掠卖到奴隶市场ê人民。希西家提醒北国以色列人民,国家会沦落到chit种地步,就是因为弃sak上帝所带来ê结果。伊劝勉chiah-ê幸免tī难ê以色列同胞tńg来到耶路撒冷来敬拜上帝,án-ne,上帝会感化hiah-ê俘掳in亲人ê人,hō͘ in生出怜悯ê心,tháu放俘掳伊去ê人tńg去故乡。因为上帝是仁慈、满有怜悯ê性命之主。

第10到12节,chit段经文说明北国以色列人民ê心是jōa-ni̍h-á刚硬,mā说明上帝对in ê惩罚,to̍h是in该得ê。因为当希西家派出信差送邀请函hō͘所有北部以色列同胞ê时,in lóng讥笑希西家。Á值得欣慰ê,是犹大同胞决定跟tòe希西家kah宗教领袖,对上帝忠实,以真诚ê心敬拜上帝。

重新查询 专卷研经 历代志下系列
错误回报,请联系comm[@]fhl.net