历代志下 3章1节 到 3章17节   背景资料  上一笔  下一笔
Tùi chit章开始,直到第五章1节止,lóng是记载有关建造圣殿ê事。Thang看出历代志作者对建造圣殿ê过程kah外壳并无感兴趣,伊所关心ê是圣殿内部ê装潢设施。作者详细地说明怎样用纯金装贴tī圣殿ê墙、栋梁、户碇、门等。另外一方面,mā有可能是因为历代志ê读者对圣殿ê建造过程可能真熟悉,所以作者就不需用koh-khah chē ê篇幅记载chiah-ê事务。

第1到2节,chia提起大卫王预备了一个盖圣殿ê地址,chia讲he是「摩利亚山」、「耶布斯人亚劳拿ê phah麦场」,这地点kah kui个选地ê背景,thang参考撒母耳记下第廿四章,以及历代志上第廿一章等经文。其实这摩利亚山,mā是当年亚伯拉罕奉献伊ê gín-á以撒hō͘上帝ê所在。因为án-ne,thang看出建造耶路撒冷圣殿mā就是teh象徵以色列子民kā siōng宝贵ê大kiáⁿ奉献hō͘上帝ê所在(参考创世记廿二:2、14)。

Chia讲tio̍h圣殿开工日期,是所罗门做王ê「第四年二月」。列王记上第六章1节ê作者特别指出,chit-ê时间tú好是以色列人民离开埃及后ê第四百八十年。

第3到9节,chit段经文是描述圣殿ê规模。并且强调无论是行廊道内部墙壁,á是门框上,m̄-nā有纯金ê贴上,而且lóng有幼路ê雕刻,并镶上贵重ê宝石。Chiah-ê lóng teh显示圣殿ê雄伟kah富丽堂皇。

第10到14节,chit段经文是关系两个基路伯,象徵tio̍h天使ê样式,lóng是用黄金打造ê。Chit两个基路伯就khǹg tī圣殿ê至圣所内面,而至圣所内面就是放tio̍h约柜。Kah-ná teh象徵天使固守tio̍h约柜。Chia mā提起至圣所有幕帘隔tio̍h,而且tī chit幕帘顶面mā绣tio̍h基路伯图案,表示有天使监视tio̍h,一般人bē-tàng随意窥视至圣所。

第15到17节,这是圣殿ê两条大铜柱,因为高达十五公尺半,以现代建筑来看,大约是五层楼高chit种大柱子,这是khǹg tī圣殿入口所在,看起来就感觉真雄伟之状。这柱子一条叫「雅斤」,意思是teh指「上帝建立」,另一条柱子叫「波阿斯」,意思是teh指「上帝ê气力」。换句话讲,圣殿表明ê就是:这是上帝ê气力所在,到chia来敬拜上帝,会得tio̍h上帝赐福ê气力。

重新查询 专卷研经 历代志下系列
错误回报,请联系comm[@]fhl.net