历代志下 24章1节 到 24章14节   背景资料  上一笔  下一笔
Chit章讲tio̍h约阿施ê事迹。主要thang分做两个段落,就是tī大祭司耶何耶大活teh ê日子,约阿施lóng照耶何耶大ê辅佐施政,hō͘犹大国人民lóng对上帝忠实,因为án-ne全国人民享受上帝赐福ê安宁kah繁荣。M̄-koh当耶何耶大往生后,约阿施会失去执政ê重要支持力,反tńg听从身边一kóa领袖ê馊主意,弃sak上帝,去拜偶像,kā过去进行宗教改革ê事lóng hō͘荒废了,m̄-nā án-ne,koh kā保护伊、膏立伊、辅佐伊ê耶何耶大kiáⁿ祭司撒迦利亚刣死,只因为为伊向伊进言,ài伊放弃拜偶像。因为án-ne,上帝无koh庇护犹大,就tī叙利亚进攻耶路撒冷ê时,约阿施因受重伤而被两位军官杀害,结束loh伊ê统治。

Chit段经文主要记载约阿施tī大祭司耶何耶大ê辅佐下,积极推动整修圣殿工程。会整修圣殿,mā teh表示对耶和华上帝信仰ê忠实。Chit段记事mā thang参考列王记下第十二章1到16节。

第1到3节,chia讲当祭司耶何耶大iáu在世ê时chūn,因为有伊辅佐国政,所以约阿施「做上帝认为对ê事」。这mā说明一个君王若有好ê辅佐者,á是忠心ê智囊团协助,伊治理ê国政必定会兴旺、稳定。古往今来lóng是án-ne。M̄-koh chit句「tī耶何耶大活teh ê年日」mā teh暗示,大祭司耶何耶大可能是因为权限过大,控制了约阿施王ê一举一动,甚至连约阿施选王后lóng是由伊决定,这可能是tī耶何耶大往生后,约阿施便反其道而行ê原因。

第4到7节,chit段经文对照列王记下第十二章1到16节经文来看,就会koh khah清楚为甚么利未人kah祭司无ná亲像约阿施下令整修圣殿ê原因。Chia讲约阿施「to̍h是位无久,就决定整修圣殿」,在列王纪下第十二章6节讲chit件事拖延到伊「在位ê第二十三年,众祭司iáu未整修圣殿」,原因是约阿施ài in用圣殿奉献箱里ê钱the̍h出来整修。祭司kah利未人不服从chit项命令,就用怠工ê方式抵制。就án-ne伊下令tio̍h大祭司耶何耶大去执行chit项整修圣殿ê命令,并且ài in去徵收「税款」,讲这是「摩西为tio̍h维持上主ê圣幕而ài人民付出ê」,这是记载tī出埃及记第三十章11到16节。这是后来所讲ê「圣殿税」。第7节说明约阿施beh整修圣殿ê原因,是因为亚伊利雅执政ê时期,kā圣殿损毁à。

第8到11节,chit段经文讲约阿施命令利未人制作奉献箱khǹg tī圣殿门口,只要到圣殿去敬拜ê人lóng thang kā当年摩西规定ê「圣殿税」投入内面。In真紧筹到一笔庞大ê经费。

第12到14节a句,in就kā chit笔圣殿税用来支付整修圣殿ê工资、材料费用。真紧,就kā圣殿恢复到kah当初所罗门建造圣殿ê时仝款「坚固」。M̄-nā án-ne,徵收tio̍h ê这笔税款扣除整修费用了后,iáu有chhun落来thang用来制作「碗碟kah其他器物,做圣殿礼拜kah献祭ê路用」。

重新查询 专卷研经 历代志下系列
错误回报,请联系comm[@]fhl.net