历代志下 22章1节 到 22章12节   背景资料  上一笔  下一笔
Chit章记载约兰ê siōng小kiáⁿ亚哈谢ê事迹。伊当犹大ê王只有一年,而且客死他乡撒马利亚,若m̄是因为伊阿公约沙法ê缘故,恐惊伊kā连死都无葬身ê所在(第9节)。其实,若是详细阅读chit章,就会发见chit章凸显北国以色列亚哈王朝对南国约兰kah 伊ê家室ê影响,chit点tùi第3到4节thang看出来。特别是伊ê母亲亚伊利雅是亚哈ê cha-bó͘-kiáⁿ,手段真残忍,thang tùi第10到12节看会出来。

第1节,chit节thang tùi第廿一章17节ê记事看出来。当时hông掠去ê约兰王室所有gín-á lóng被刣死,只chhun siōng小ê kiáⁿ亚哈谢。因为约兰mā往生,因为án-ne,耶路撒冷ê居民就立亚哈谢继任为王。

第2到3节,chia讲当时亚哈谢做王ê时chiah只有「二十二岁」,m̄-koh《希伯来文》圣经写tio̍h「四十二岁」。无论伊几岁,chia真清楚讲伊只做王一年而已。Á tī伊做王chit年中,lóng是伊ê母亲亚伊利雅teh替伊出主意,而亚伊利雅是北国亚哈ê cha-bó͘-kiáⁿ,而伊教导kiáⁿ就是学习外公ê pháiⁿ模样,弃sak上帝,去拜偶像。特别是采用亚哈王室ê人当顾问,这hō͘亚哈谢堕落得koh khah厉害。

第4到6节,chit三节讲亚哈谢听从亚哈ê顾问之建议,kah北国以色列联合出兵去攻打叙利亚,为tio̍h beh夺回基列ê拉末。顶pái mā是南北两国联合出兵,结果亚哈王重伤死去,chit pái换伊ê kiáⁿ约何兰受伤。照列王记下第九章ê记载,就tī伊养伤ê中间,耶户叛变kā伊刣死,结束loh北国亚哈ê王朝。M̄-koh mā同时刣死了去探病ê亚哈谢。虽然是意外之灾,m̄-koh其中有上帝ê旨意。

第7到9节,亚哈谢去探望受伤ê约何兰ê时遇害。历代志作者认为这是上帝ê旨意,安排耶户执行chit项惩罚悖逆ê君王。而且同时被耶户杀害ê,iáu包括伊ê侄á kah犹大ê众领袖。

第10到12节,chit段经文ē-sái讲是旧约圣经中siōng特别ê记事,亚哈谢ê母亲亚伊利雅家己当犹大王执政,这ē-sái讲是犹大历史上空前绝后ê一段历史记事,说明犹大有过一位女王,就是亚伊利雅。

亚哈谢ê母亲亚伊利雅无照规定hō͘亚哈谢ê kiáⁿ继承王位,而自任为王统治犹大。而且伊为tio̍h beh称任王,iáu残酷ê处死犹大王室ê全部家族,表示m̄ hō͘犹大ê家族继承王位。Iáu好,tī亚哈谢ê同父异母小妹中有一为名叫「约示芭」ê,伊嫁hō͘大祭司耶何耶大,伊偷偷á kā亚哈谢ê一个kiáⁿ约阿施救出来,并且kā伊kah伊ê奶妈藏tī圣殿里ê一间寝室中。Hit时约阿施iáu是幼年幼儿,一直被藏了六年之久,无被亚伊利雅发见,chiah有保存性命。这mā应验ā上帝应允beh hō͘犹大ê家族,mā是大卫ê kiáⁿ孙继续统治犹大国,hō͘亚哈谢ê kiáⁿ tī宫廷清算中会得thang存活,mā说明即使tī siōng危险、软弱ê世代中,大卫王朝mā bē消失,因为有上帝ê应允。

重新查询 专卷研经 历代志下系列
错误回报,请联系comm[@]fhl.net