历代志下 20章1节 到 20章19节   背景资料  上一笔  下一笔
Tùi第二十章到廿一章1节,chit段经文主要tī说明对上帝忠实ê君王,并无表示国家lóng bē tú-tio̍h困境,约沙法算是真忠实ê君王,m̄-koh mā会tú-tio̍h邻国来侵犯ê大事件,hō͘伊心生惊惶而求告上帝。仝款ê,一个敬虔ê基督徒,并无表示lóng bē tú-tio̍h困难,mā是仝款会tú-tio̍h性命siōng危险ê时刻而需要求告上帝伸出援手。

第二十章记载以东kah亚扪人、摩押人联合出兵来攻打犹大。约沙法虽然有真chē军队,m̄-koh伊iáu-koh会惊惶,而祈祷上帝。结果上帝是垂听伊ê祈祷,应允会亲手打击chiah-ê想beh攻击犹大ê联军。

    Chit段经文描述约沙法听tio̍h有摩押、亚扪,以及米乌尼人等联军beh来攻打犹大,这hō͘约沙法大大担忧。因为án-ne,伊m̄-nā下令全国人民一定tio̍h禁食,祈求上帝带领,koh khah亲自带领人民向上帝大声祈祷,结果上帝ê灵降临并传达上帝ê信息,表示beh kah犹大人民同在,ài in m̄免郁卒,因为上帝会亲自打击这来侵犯犹大ê联军。

	第1到3节,chit段经文开始就讲摩押、亚扪,kah米乌尼人来侵犯犹大,而且已经有占领了一个重要城镇「洗哈逊・伊玛」。约沙法听tio̍h chit件事,真oh过,就下令全国人民禁食,表示哀伤。

	第4到5节,犹大各地ê人民lóng陆续聚集tī耶路撒冷ê庭园里,向上帝祈求带领,用chit种方式表达in确实是需要上帝带领in。这mā说明约沙法确实是一个对上帝真有信心ê君王。

	第6到9节,这是约沙法带领全体人民向上帝祈祷ê第一段。Tī chit段祈祷文中,伊先歌颂上帝,是一个大能大力ê神。而且感谢上帝赏赐hō͘ in祖先chit片thang khiā起ê土地。而且祖先为tio̍h beh感谢上帝,iáu特别建造圣殿做敬拜上帝ê路用。chit-má,大家lóng聚集tī圣殿前,向上帝祈求,恳求上帝垂听in祈祷ê声音。

	第10到12节,这是第二段祈祷文。约沙法特别提起祖先经过摩押人、亚扪人,以及以东人ê所在,都无入侵in土地。M̄-koh chit-má in却来侵犯犹大人民kah土地。伊向上帝表明联军势力庞大,犹大人民无法度抵挡in,因为án-ne,只有ē-tàng仰望上帝ê带领kah保守。

    第13到14节,chia特别强调为tio̍h国家teh beh面临被灭亡ê危机,犹大所有ê cha-po͘人chhōa bó͘-kiáⁿ地来到敬拜上帝ê圣殿头前,向上帝祈祷。就tī chit时chūn,上帝ê灵忽然降临在一位利未人雅哈悉ê身上。伊就因为án-ne传出上帝ê信息hō͘众人知影。

	第15到17节,chit三节就是上帝ê灵透过雅哈悉传出信息ê内容,表示ài犹大人民m̄免惊惶,因为战争ê胜败,lóng是操tī上帝ê手中。上帝beh犹大ê军队m̄免攻击á是tńg来击,只要守tiâu阵脚、khiā稳就ē-tàng。上帝一定会kah in同在,会hō͘ in phah赢。

    第18到19节,约沙法kah犹大人民听tio̍h雅哈悉传出上帝chit种信息,lóng坦覆 (thán-phak)tī土脚感谢上帝,而且有利未支族ê哥辖kah可拉族人khiā起来大声歌颂上帝。

重新查询 专卷研经 历代志下系列
错误回报,请联系comm[@]fhl.net