历代志下 2章1节 到 2章10节   背景资料  上一笔  下一笔
Tùi第二章起到第七章,chit段经文lóng是记载有关所罗门án怎建造圣殿(第二到四章),以及圣殿完成后奉献ê礼仪(第五到七章)。历代志作者Tī所罗门登基做王后,马上就记载伊建造圣殿ê事,thang看出伊有意表明:所罗门kā建造圣殿看做所有国家大事中siōng-kài重要ê,因为án-ne,排列tī siōng头前。

Chit章主要tī说明为tio̍h建造圣殿kah宫殿,所罗门派人去泰尔向希兰王走chhōe协助,因为无论是圣殿á是王宫,所需要mā是siōng重要ê建材—黎巴嫩ê香柏木,以及其它相关ê建材,lóng需要透过泰尔港口ê协助chiah ē-tàng顺利运送,因为án-ne,伊派臣仆去协调chit项运输工程,以及人力上ê支援。

Chit段经文是所罗门派信差去对泰尔ê希兰王讲,需要伊协助派出siōng好ê工匠,帮助所罗门建造耶路撒冷圣殿ê事。

第1到2节,chia讲所罗门m̄-nā是beh建造圣殿,mā同时决定beh建造家己ê宫殿。Á建造圣殿所需要ê一切差不多lóng由大卫王准备好势了,所罗门只需要召集工人而已,而且伊决定同时建造家己ê宫殿。所罗门王雇用了共计十五万ê工人,以及三千六百个监督工程ê人员。Chit种人力ê消耗kah费用确实庞大。是因为圣殿kah宫殿同时进行ê缘故。

第3到6节,这几节经文说明所罗门对希兰王提起伊建造圣殿ê看法。伊先肯定希兰王协助in老父大卫王tùi黎巴嫩运送香柏木,并且带木匠,为大卫王建造王宫(参考撒母耳记下五:11)。chit-má所罗门mā请希兰王仝款ê方式对待伊。伊讲beh建造圣殿做敬拜ê路用,并且强调圣殿一定tio̍h是宏伟,因为敬拜siōng伟大ê上帝――比任何神明lóng伟大ê上帝。

第7到10节,伊请希兰王派一个手艺高超ê人来指导大卫王挑选出来ê匠人。另外伊mā请希兰协助差派工人运送香柏木、松木、檀香木。伊提出hō͘希兰王派出来ê工人ê工资是:两千公吨小麦,两千公吨大麦,四十万公升ê酒,kah四十万公升ê橄榄油。Á chiah-ê物资ê来源,就是tùi所罗门所任命ê十二个总督tī家己辖区内负责(参考列王记上四:7、27)。

Tùi chit段所列举ê chiah-ê建造材料之数目,以及人数,就thang知影圣殿规模非常大,是空前ê壮举。所写ê庞大材料,早tī大卫ê时代就已经准备得差不多了(请参考历代志上十八:7—11、廿二:14)。

重新查询 专卷研经 历代志下系列
错误回报,请联系comm[@]fhl.net