历代志下 1章1节 到 1章12节   背景资料  下一笔
Tùi第一章到第九章,lóng是记载所罗门登基后ê国tāi-chì况,包括伊祈求智慧、建造kah奉献圣殿、迎接约柜入圣殿等,其中以建造圣殿为siōng主要ê记事内容。M̄-koh chit段有省略列王记上第三章16到28节,描述所罗门siōng顶港有名声下港有出名ê一段故事――所罗门得tio̍h智慧ê例证,mā就是两个妓女争夺gín-á ê故事。同时mā有省略建造王宫ê经过,以及列王记上第一到二章有关所罗门kah伊ê兄哥亚多尼雅之间争夺王位ê经过。Tī历代志上以结束大卫王朝做结语,然后这下卷就直接记载所罗门怎样得tio̍h上帝ê赐福,兴旺以色列帝国ê事迹。

Chit段经文描述当所罗门tī基遍献祭ê时,上帝向伊显现,表明beh赏赐hō͘所罗门任何ê祈求。结果所罗门向上帝求智慧。结果上帝m̄-nā赏赐hō͘伊智慧,mā赏赐hō͘伊所无祈求ê财宝、富贵、名声等等。Chit段记事mā thang参考列王记上第三章1到15节。

第1节,chia讲「大卫ê kiáⁿ 所罗门ê 国位坚固,上主 — 伊 ê 上帝 kah 伊同在,hō͘ 伊不止大兴旺。(全民版)」,chit句话参考列王记上第二章13到46节,就会知影所罗门kā兄哥亚多尼雅刣死,mā废除大祭司亚比亚他,并且tī khǹg约柜ê祭坛内面刣死军事将领约押,最后是处死去扫罗家族最后一个有影响力ê示每,mā就是所罗门kā政治对手、宗教领袖、富有敌意ê军事领袖,以及前朝扫罗家族ê重要人士等等lóng铲除了后,chiah真正hō͘伊ê王权巩固了落来。

第2到6节,chit段经文讲所罗门率领政府所有高级官员去基遍献祭。Hit时因为圣殿iáu未建造,而本来khǹg约柜ê圣幕iáu khǹg tī基遍,mā就是讲基遍tī当时iáu被以色列人民看做是一个非常重要ê敬拜中心。这mā是为甚么大卫王一心一意想beh tī耶路撒冷建造圣殿ê原因。所罗门无bē记得时常去当地献祭敬拜上帝。

Chia指出所罗门「tī铜祭坛顶献了一千头cheng-seⁿ做烧化祭」。Chit种「铜坛」,thang参考出埃及记第廿七章1到8节、第三十八章1到7节ê资料,就thang明白chit种祭坛,就是专门为tio̍h献烧化祭而建造ê。

第7节,就tī hit工暗时,上帝向所罗门显现。在列王纪上第三章5节、15节lóng真清楚讲是上帝tī梦中向所罗门显现。

第8到10节,所罗门不假思考地就讲,希望上帝赏赐hō͘伊「智慧」,thang hō͘伊ē-tàng治理「ná亲像地上ê土粉hiah-ni̍h chē ê人民」,chit句话mā teh表明当时ê以色列国,tī大卫治理之下,人口已经增加非常chē。Chit点tùi大卫差派参与圣殿相关事务ê利未族人就高达三万八千人,而且这iáu hit年满三十岁以上,而且身躯强壮者。若是加上其他支族ê人,必定koh-khah chē。

第11到12节,因为所罗门无向上帝祈求「富贵、财宝、名声,mā无求消灭敌人,á是为家己求长寿」,却只有「祈求聪明智慧」,hō͘上帝非常感动。因为án-ne,上帝决定连chiah-ê伊所无祈求ê,lóng beh同齐赏赐hō͘伊。而且beh赏赐hō͘伊ê,比过去任何一个君王,以及后来ê君王lóng tio̍h多。这表示所罗门ê王朝kā达tio̍h siōng颠峰ê状态。

重新查询 专卷研经 历代志下系列
错误回报,请联系comm[@]fhl.net