提摩太前书 1章12节 到 1章20节   背景资料  上一笔  下一笔
Tī chit段经文中,使徒保罗特别强调「基督耶稣降世ê目的是beh拯救罪人」,chit点mā是耶稣基督所讲ê,伊来是beh召pháiⁿ人悔改(参考路加福音五:31—32)。使徒保罗甚至家己坦承是「罪人中siōng pháiⁿ ê一个」,mā因为án-ne,耶稣基督ê救恩对伊ê性命有特别意义。

	Koh讲,tī chit段经文中,使徒保罗特别强调信仰kah良知是分bē开ê,因为信仰就是teh回应上帝ê拣选,而良知tú好是teh表示信仰ê内涵。因为án-ne,伊劝勉提摩太一定会tī chit两方面做好基础,若无,真容易陷入诱惑中,á是hō͘牧养ê教会脱离了应该有ê秩序。

第12节,chit节使徒保罗提起「感谢咱ê主基督耶稣」,tio̍h感谢ê事有两点,一是赐hō͘伊有力量,其二是因信任而拣选伊。其实,chit句话mā teh表明伊确信家己ê「使徒」角色。Koh讲,使徒保罗强调被拣选乃是因为「thang信任」,chit点非常重要。伊认为一个人就是因为「thang信任」,chiah会被「交托」去办重要ê事务。

第13节,chit节thang参考使徒行传第九章1到25节、第廿二章4到5节、19九到20节、第廿六章9到11节等等经文,顶面所讲经文lóng是使徒保罗自述án怎迫害耶稣基督ê信徒,并且清楚ê表明,司提反ê殉道是kah伊迫害教会有密切关系。伊无否认家己bat迫害过基督徒kah基督ê教会。伊讲上帝知影伊chit种行踏iáu拣选伊ê原因,就是上帝ê怜悯。Á伊当时并无清楚耶稣基督就是上帝差遣到世间来ê救主,甚至teh逼害基督徒ê时chūn,强迫信徒一定tio̍h讲出in m̄相信耶稣就是基督、救主(参考使徒行传廿六:11),因为án-ne,chiah会做出chit款tāi-chì。

第14节,chit节伊讲是因为kah耶稣基督连结,chiah有「信心kah疼心」,chit句话表明耶稣基督就是疼心ê siōng koân记号。

第15节,chit句话说明耶稣基督降生到chit世界上主要ê目的,就是beh hō͘罪人得tio̍h悔改而得tio̍h拯救ê机会。伊来到世界上,主要就是beh拯救罪人,如果一个人家己感觉无罪,mā就bē感觉耶稣基督kah伊有甚么关系,á是耶稣基督拯救ê信息对伊有甚么意义thang讲。「我是罪人中siōng pháiⁿ ê一个」,chit句话ē-sái讲是使徒保罗tī自我反省中,siōng珍贵ê一句话。

第16节,使徒保罗tī chit节讲出上帝拣选伊ê真正目的,就是beh hō͘伊成做所有罪人得救ê一个模样。Chit种模样就是上帝tī耶稣基督ê疼,是一种「忍耐」痛苦ê疼。所讲ê「忍耐」是针对人ê方面来讲,却m̄是对环境á是物件。chit-má使徒保罗就是用chit种话beh kā提摩太讲,即使tī教会牧养工作中,tú-tio̍h siōng无好牧养ê信徒,mā tio̍h亲像上帝透过耶稣基督对伊chit种罪大恶极ê人,采取忍耐ê心对待,以期chiah-ê人会因为án-ne认bat耶稣基督ê疼,而知影悔改,并得tio̍h永恒ê性命。

    第17节,chit节ē-sái讲是对前述家己lóng受上帝恩宠之一种激动ê感恩、歌颂,就kah-ná一个人领受tio̍h极大ê恩惠,tùi án-ne tùi心内深处发出真大ê感谢kah o-ló声仝款。

	第18节,使徒保罗kā提摩太讲,hiah-ê先知对伊所讲ê话,á是众长老对伊按手ê时ê祝福,lóng充满tio̍h圣神ê气力,为tio̍h是beh hō͘ chiah-ê气力成做抵挡hiah-ê专门teh阻碍信徒信仰灵命成长ê siōng好「武器」。Koh讲,使徒保罗讲伊kā以弗所教会「付托」hō͘提摩太,意思是teh指kā贵重ê物件交hō͘你保管。Án-ne,thang看tio̍h使徒保罗是kā以弗所教会看做是ná亲像非常贵重ê「礼物」,交hō͘提摩太去管理。Á提摩太一定会小心保管,无法度有任何失误。

	第19节,第一章5节使徒保罗已经有提起过,伊hō͘提摩太知影留伊tī以弗所教会,为tio̍h是beh阻止该教会所出现ê问题恶化落去,伊ài提摩太清楚知影,伊所做chit项决定是「tùi纯洁ê心、清白ê良知,kah纯真正信心所产生ê」。chit-má伊ài提摩太就kah伊仝款,mā持守chit份「信仰kah清白ê良知」。所谓「持守信仰kah清白良知」,意思就是tī福音ê事工上ài有真实ê心,无法度有任何欺骗、不实ê行为á是念头。

	第20节,使徒保罗特别举出两个信徒,in ê信仰像触礁而损pháiⁿ ê船一般,一个名叫「舒米乃(许米乃Hu-mé-nái)」,另外一个名叫「亚历山大」。In两人是使徒保罗以前tī以弗所教会ê同工。Tùi提摩太后书第二章17到18节,thang看tio̍h舒米乃(许米乃Hu-mé-nái) bat tī教会中发表讲「koh活ê事已成过去,tùi án-ne摇动了某一kóa人ê信心」。M̄-koh亚历山大到底是甚么人?无资料thang循。

重新查询 专卷研经 提摩太前书系列
错误回报,请联系comm[@]fhl.net