Chit段经文记载约柜送tńg去以色列ê过程，同时描述以色列人中间有人因为偷窥约柜来死亡ê悲剧。

第13到16节，chit-má chia讲约柜tńg来ê时chūn，tú好是麦á收割ê时chūn，chit时应该是tī五、六月间。因为án-ne，推算tńg去，约柜被夺去ê时间，大约是tī年前ê十一月。正tī麦田收割ê以色列人民看tio̍h约柜tńg来ê时，hit种兴奋ê心情用脚头u想mā知。这teh表示过去七个月，in差不多无法度听tio̍h上帝ê声音。因为约柜不tī in中间，上帝mā bē出现kah in讲话。以色列人民随时kā载运约柜kah赔偿礼物ê车当柴火，并kā两头母牛当祭牲礼，献hō͘上帝。表示因为约柜重头tńg来in中间，beh向上帝献上感恩。而同来ê五个非利士人领袖因为达成任务，就安心tńg去各自ê城市。

第17到18节，非利士人所送ê「五个金铸疮疱模型」，是teh代表非利士人ê五个城市，而「五只金老鼠」，teh代表五个城市ê首领，以及in所管辖ê城市、庄头，chiah-ê lóng teh表示全部非利士人lóng向耶和华上帝认罪。

第19节，这是真值得注意ê一节。Tī民数记第四章17到20节特别提起，一定tio̍h有资格ê利未人chiah thang看守约柜等圣物。若无，会付出死亡ê代价。chit-má chia讲有「七十个伯・示麦人」因窥探约柜来死亡。M̄-koh mā有学者认为这bē是上帝ê意思，而认为可能是当伯・示麦城ê人欢喜去迎接约柜ê时，无小心接触tio̍h非利士ê五个首领，结果感染到鼠疫而往生。M̄-koh有kóa圣经版本ê翻译表示：chiah-ê人是无去迎接约柜ê人，m̄-koh无论是甚么原因，这至少说明一件非常重要ê认bat：bē-tàng轻藐约柜，它teh代表上帝ê同在。

第20节到第七章1节，可能是受tio̍h第19节发生有人因摸到约柜来死亡ê事件，致使伯・示麦城ê人开始紧张起来，因为án-ne mā希望约柜远离in。Chit时chūn，基列・耶琳城ê人表示愿意kā约柜khǹg tī in ê一个「亚比拿达」ê厝里，同时委派伊ê kiáⁿ「以利亚撒」负责看守约柜。根据出埃及记第六章23节ê记载，「以利亚撒」kah祭司ê家族有关连。Iáu有，就是tī顶pái ê战争中，示罗ê圣幕可能已经遇tio̍h破坏。M̄-koh为甚么beh送到亚比拿达ê厝里去khǹg，而且一khǹg就长到二十年之久，这就bē-tàng而知。